തൃശൂര്‍|
JOYS JOY|
Last Modified ചൊവ്വ, 20 ഒക്‌ടോബര്‍ 2015 (12:26 IST)
തൃശൂരില്‍ സെപ്റ്റിക് ടാങ്കില്‍ മൃതദേഹം കണ്ടെത്തിയ സംഭവത്തില്‍ ഒരാള്‍ പിടിയില്‍. തൃശൂര്‍ മണ്ണുത്തി സ്വദേശി ദിലീപാണ് ക്രൈംബ്രാഞ്ചിന്റെ പിടിയിലായത്. പണമിടപാടുമായി ബന്ധപ്പെട്ട തര്‍ക്കത്തിനിടെയാണ് കൊലപാതകമെന്ന് ക്രൈംബ്രാഞ്ച് അറിയിച്ചു.
തൃശൂരിലെ
കിഴക്കേകോട്ട ആമ്പക്കാടന്‍ ജംഗ്ഷനുസമീപമുള്ള വര്‍ക്ക് ഷോപ്പിലെ സെപ്റ്റിക് ടാങ്കില്‍ നിന്നായിരുന്നു കഴിഞ്ഞദിവസം പുരുഷന്റെ ശരീരാവശിഷ്‌ടങ്ങള്‍ കണ്ടെത്തിയത്. അഞ്ചുവര്‍ഷം മുമ്പ് കാണാതായ മണ്ണുത്തി ഒല്ലൂക്കര ശ്രീകൃഷ്ണ നഗര്‍ സ്വദേശി സജി ജോണിന്റെ (40) മൃതദേഹമായിരുന്നു ഇത്.
സജിയെ കാണ്മാനില്ലെന്ന് 2010ല്‍ പൊലീസില്‍ പരാതി ലഭിച്ചിരുന്നു. തുടര്‍ന്ന്,
നടത്തിയ അന്വേഷണത്തില്‍ ഇപ്പോള്‍ പിടിയിലായ ദിലീപിന്റെ അടുത്താണ് സജി അവസാനമായി എത്തിയതെന്ന് ക്രൈംബ്രാഞ്ച് കണ്ടെത്തിയിരുന്നു.
എന്നാല്‍, ചോദ്യം ചെയ്തപ്പോള്‍ ഇയാള്‍ കുറ്റം നിഷേധിക്കുകയായിരുന്നു. തുടര്‍ന്ന് ഇയാള്‍ പൊലീസിനെതിരെ വാര്‍ത്താസമ്മേളനവും വിളിച്ചിരുന്നു. ഇതിനെ തുടര്‍ന്ന്, അന്വേഷണം ഇഴയുകയായിരുന്നു.
തുടര്‍ന്ന് ഗള്‍ഫില്‍ പോയ ദിലീപ് ദീര്‍ഘകാലമായി നാട്ടില്‍ വരാതായി. ഇതില്‍ സംശയം തോന്നിയ പൊലീസ് തുടര്‍ന്ന് നടത്തിയ അന്വേഷണത്തിലാണ് മൃതദേഹം കണ്ടെത്തിയത്.
