അനുബന്ധ വാര്ത്തകള്
- ഫെബ്രുവരി 29വരെ ചൂട് കനക്കും; അഞ്ചുജില്ലകളില് യെല്ലോ അലര്ട്ട്
- തിരഞ്ഞെടുപ്പില് മത്സരിക്കാനില്ലെന്ന് ബിജെപി നേതൃത്വത്തെ അറിയിച്ച് നടി ശോഭന
- നിങ്ങളുടെ വീട്ടില് അഞ്ച് വയസ്സിനു താഴെയുള്ള കുഞ്ഞുങ്ങളുണ്ടോ? പോളിയോ തുള്ളിമരുന്ന് നല്കാന് മറക്കരുത്, ഈ ദിവസം ഓര്മയില് വയ്ക്കുക
- വേനൽ മഴ അടുത്തമാസം പകുതിയോടെ, സംസ്ഥാനത്ത് ചൂടിന് ശമനമില്ല
- കൈക്കൂലിക്കേസിൽ വില്ലേജ് അസിസ്റ്റന്റും വില്ലേജ് ഫീൽഡ് അസിസ്റ്റന്റും വിജിലൻസ് പിടിയിലായി
ശബരിമലയില് മലയാളി ബ്രാഹ്മണന് തന്നെ മേല്ശാന്തിയായാല് മതിയെന്ന് കേരള ഹൈക്കോടതി
ശബരിമലയില് മലയാളി ബ്രാഹ്മണന് തന്നെ മേല്ശാന്തിയായാല് മതിയെന്ന് കേരള ഹൈക്കോടതി. കൂടാതെ ഇതിനെ ചോദ്യം ചെയ്ത് സമര്പ്പിക്കപ്പെട്ട അപേക്ഷകളെല്ലാം ഹൈക്കോടതി തള്ളി. നേരത്തെ മലയാളി ബ്രാഹ്മണന് മാത്രം ശബരിമലയില് മേല്ശാന്തിയായിരുന്നാല് മതിയെന്ന് തിരുവിതാംകൂര് ദേവസ്വം ബോര്ഡ് ഉത്തരവിറക്കിയിരുന്നു. നിരവധിപേരാണ് ദേവസ്വം ബോര്ഡിന്റെ ഈ ഉത്തരവിനെ ചോദ്യം ചെയ്ത് ഹൈക്കോടതിയെ സമീപിച്ചിരുന്നത്.
അനില് കെ. നരേന്ദ്രന്, പി.ജി. അജിത് കുമാര് എന്നിവര് ഉള്പ്പെട്ട ഹൈക്കോടതി ഡിവിഷന് ബെഞ്ചിന്റേതാണ് വിധി. 2021മെയ് 27നാണ് ശബരിമലയിലും മാളികപ്പുറം ക്ഷേത്രത്തിലും ശാന്തിക്കാരനെ നിയമിക്കാന് മലയാള ബ്രാഹ്മണരില്പ്പെട്ടവരെ മാത്രം തേടിക്കൊണ്ട് ദേവസ്വം ബോര്ഡ് ഉത്തരവ് പുറപ്പെടുവിച്ചത്. ഇത് ഇന്ത്യന് ഭരണഘടനയുടെ 14,15,16, 17,21 എന്നീ വകുപ്പുകളുടെ ലംഘനമാണെന്ന് കാട്ടി അഭിഭാഷകനായ ബി.ജി. ഹരീന്ദ്രനാഥ് പരാതി നല്കിയിരുന്നു.
