തമിഴിലെ സൂപ്പര്‍ താരം വിജയുടെ 'പുലി' എന്ന സിനിമയുടെ ടീസര്‍ യൂ ട്യൂബിലിട്ട ചെയ്ത മലയാളി വിദ്യാര്‍ത്ഥി അറസ്റ്റില്‍. തിരുവനന്തപുരം സ്വദേശി മിഥുന്‍ ആണ് അറസ്റ്റിലായത്. ചെന്നൈയില്‍ സ്വകാര്യ സ്ഥാപനത്തില്‍ സൗണ്ട് മിക്സിംഗ് പഠിക്കുകയാണ് മിഥുന്‍. ടീസര്‍ ഔദ്യോഗികമായി പുറത്തിറക്കുന്നതിനു മുന്‍പാണ് മിഥുന്‍ ചിത്രത്തിന്റെ ടീസര്‍ യൂട്യൂബിലിട്ടത്.

ചിമ്പു ദേവനാണ് പുലിയുടെ സംവിധാനം നിര്‍വ്വഹിച്ചിരിക്കുന്നത്. ചിത്രത്തില്‍ തികച്ചും വ്യത്യസ്തമായ വേഷത്തിലാണ് വിജയ് എത്തുന്നത്. ശ്രുതി ഹാസനും ഹന്‍സികയുമാണ് ചിത്രത്തിലെ നായികമാര്‍. ചിത്രത്തില്‍ ശ്രീദേവി ഒരു പ്രധാന വേഷത്തിലെത്തുന്നുണ്ട്.