ഓണത്തിനു മലയാളികള് കുടുങ്ങും; ചെന്നൈയില് നിന്ന് കേരളത്തിലേക്കുള്ള ട്രെയിന് ടിക്കറ്റുകള് തീര്ന്നു
ഓണം ആയതോടെ മറ്റ് സംസ്ഥാനങ്ങളില് നിന്ന് കേരളത്തിലേക്ക് എത്താനുള്ളവരുടെ തിക്കും തിരക്കും. ചെന്നൈയില് നിന്നു കേരളത്തിലേക്കുള്ള ട്രെയിന് ടിക്കറ്റുകള് തീര്ന്നത് നിരവധി മലയാളികള്ക്ക് തിരിച്ചടിയായി. തിരുവോണത്തിനു തൊട്ടടുത്ത ദിവസത്തിലെ ടിക്കറ്റുകളാണ് തീര്ന്നത്. ചെന്നൈ-തിരുവനന്തപുരം മെയില് എക്സ്പ്രസ് ട്രെയിനുകളും ചെന്നൈ-മംഗളൂരു എക്സ്പ്രസ് ട്രെയിനുകളുമാണ് കേരളത്തിലേക്ക് നിലവില് സര്വീസ് നടത്തുന്നത്. ഈ ട്രെയിനുകളിലെ ടിക്കറ്റുകളാണ് ഒരേസമയം വിറ്റുതീര്ന്നത്. കോവിഡ് ആയതിനാല് യാത്രക്കാര് കുറവാകുമെന്ന് കരുതി ഇത്തവണ റെയില്വെ സ്പെഷ്യല് ട്രെയിനുകള് പ്രഖ്യാപിച്ചിട്ടില്ല. മാത്രമല്ല ബസ് സര്വീസുകളും കുറവാണ്. ഇതാണ് ട്രെയിന് ടിക്കറ്റുകള് അതിവേഗം വിറ്റുതീരാന് കാരണം.
