സിആര്‍ രവിചന്ദ്രന്‍|
Last Modified തിങ്കള്‍, 25 സെപ്റ്റംബര് 2023 (08:20 IST)
നിപ ഒഴിയുന്ന സാഹചര്യത്തില്‍ കോഴിക്കോട് ജില്ലയില്‍ സ്‌കൂളുകള്‍ ഇന്നുമുതല്‍ തുറക്കും. പുതിയ പോസിറ്റീവ് കേസുകള്‍ ഇല്ലാതെ പത്താം ദിവസം പിന്നിട്ടതോടെയാണ് സ്‌കൂളുകള്‍ തുറക്കുന്നത്. അവസാനമായി പോസിറ്റീവ് കേസ് റിപ്പോര്‍ട്ട് ചെയ്തത് സെപ്റ്റംബര് 15നാണ്. ചെറുവണ്ണൂര്‍ സ്വദേശിക്കാണ് നിപ ബാധിച്ചത്.
അതേസമയം പ്രോട്ടോക്കോള്‍ പാലിക്കണമെന്ന കര്‍ശന നിര്‍ദേശത്തോടെയാണ് സ്‌കൂളുകള്‍ തുറക്കുന്നത്. വിദ്യാര്‍ത്ഥികളും അധ്യാപകരും മാസ്‌കും സാനിറ്റൈസറും നിര്‍ബന്ധമായും ഉപയോഗിക്കണം. ക്ലാസ് മുറികളിലും സ്‌കൂള്‍ പ്രവേശന കവാടങ്ങളിലും സാനിറ്റൈസര്‍ വയ്ക്കണമെന്നും നിര്‍ദേശമുണ്ട്.
