ആലപ്പുഴ|
ശ്രീനു എസ്|
Last Updated:
വെള്ളി, 7 ഓഗസ്റ്റ് 2020 (08:52 IST)
എല്ലാ വര്‍ഷവും ആഗസ്റ്റ് മാസത്തിലെ രണ്ടാം ശനിയാഴ്ച നടത്തി വന്നിരുന്ന നെഹ്റു ട്രോഫി ജലമേള കൊവിഡ് 19 മഹാമാരിയുടെ പശ്ചാത്തലത്തില്‍
മാറ്റിവെച്ചിരിക്കുന്നു എന്ന് നെഹ്റു ട്രോഫി ബോട്ട് റേസ് സൊസൈറ്റിയുടെ ചെയര്‍മാന്‍ കൂടിയായ
ആലപ്പുഴ ജില്ലാ കളക്ടര്‍ അറിയിച്ചു. തുടര്‍ച്ചയായ മൂന്നാം വര്‍ഷമാണ് വള്ളം കളി മാറ്റിവയ്ക്കുന്നത്.
കഴിഞ്ഞ രണ്ടുവര്‍ഷമായി പ്രളയത്തെ തുടര്‍ന്ന് സെപ്റ്റംബര്‍ നവംബര് മാസങ്ങളിലാണ് വള്ളംകളി നടത്തിയത്. കൊവിഡിന്റെ തീവ്രത കുറയുന്നതനുസരിച്ച് നവംബര്, ഡിസംബര്‍ മാസങ്ങളില്‍ വള്ളംകളി നടത്താന്‍ സാധിക്കുമോയെന്നാണ് ഇപ്പോള്‍ ആലോചിക്കുന്നത്.
