മുന്‍ മിസ് കേരളയടക്കം മൂന്ന് പേരുടെ മരണത്തിനിടയാക്കിയ വാഹനാപകട കേസില്‍ പിടിമുറുക്കി എക്‌സൈസും. ഫോര്‍ട്ട് കൊച്ചിയിലെ 'നമ്പര്‍ 18' ഹോട്ടലുടമ റോയി വയലാട്ട് പൊലീസിന് നല്‍കിയ മൊഴി കേന്ദ്രീകരിച്ചാണ് എക്‌സൈസിന്റെ അന്വേഷണം. സിസിടിവി ദൃശ്യങ്ങളുടെ ഡി.വി.ആര്‍. ഹോട്ടലില്‍ നിന്ന് മാറ്റിയത് എക്‌സൈസിനെ ഭയന്നിട്ടാണെന്നാണ് വിവരം. ഹോട്ടലില്‍ എല്ലാ വാരാന്ത്യങ്ങളിലും ഡി.ജെ. പാര്‍ട്ടി നടന്നിരുന്നതായി വിവരം ലഭിച്ചിട്ടുണ്ട്. എന്നാല്‍, ഈ ഡി.ജെ. പാര്‍ട്ടികള്‍ മയക്കുമരുന്ന് ഉപയോഗിക്കുന്ന റേവ് പാര്‍ട്ടിയായി മാറുന്നുണ്ടെന്നാണ് ഇന്റലിജന്‍സിന് ലഭിച്ച വിവരം.