ശ്രീനു എസ്|
Last Updated:
വെള്ളി, 19 ജൂണ്‍ 2020 (11:30 IST)
ഗുജറാത്തില്‍ കൊവിഡ് സ്ഥിരീകരിച്ചതിനുപിന്നാലെ മലയാളിയായ വീട്ടമ്മ ജീവനൊടുക്കി. അഹമ്മദാബാദ് മേഘാനി നഗറില്‍ നേതാജി അപ്പാര്‍ട്ട്‌മെന്റില്‍ മിനു നായര്‍(48) ആണ് ആത്മഹത്യചെയ്തത്. കടുത്ത പനിമൂലം സിവില്‍ ആശുപത്രിയില്‍ പരിശോധന നടത്തുകയും പിന്നാലെ കൊവിഡ് സ്ഥിരീകരിക്കുകയുമായിരുന്നു. വീട്ടിലെത്തിയ ശേഷം മിനു നായര്‍ തൂങ്ങി മരിക്കുകയായിരുന്നു.
ഭദ്രയില്‍ സിറ്റി സിവില്‍ ആന്‍ഡ് സെഷന്‍സ് കോടതിയില്‍ പബ്ലിക് പ്രോസിക്യൂട്ടര്‍ ഓഫീസില്‍ സെറ്റനോഗ്രാഫറായി ജോലി നോക്കുകയായിരുന്നു ഇവര്‍. ഇവര്‍ക്ക് രണ്ടുമക്കള്‍ ഉണ്ട്.
