സിആര്‍ രവിചന്ദ്രന്‍|
Last Modified വെള്ളി, 27 മെയ് 2022 (07:23 IST)
ഹോട്ടല്‍ ഉടമയുടെ മൊബൈല്‍ ഫോണ്‍ മോഷ്ടിച്ച് ഗൂഗിള്‍പേ വഴി പണം തട്ടിയ സംഭവത്തില്‍ രണ്ടുപേര്‍ അറസ്റ്റില്‍. മലപ്പുറം അങ്ങാടിപ്പുറം സ്വദേശിയായ തെക്കേ വളപ്പില്‍ മുഹമ്മദ് ശാരിക്(27), വളരാട് സ്വദേശി മുഹമ്മദ് ഇര്‍ഫാന്‍(19)എന്നിവരാണ് അറസ്റ്റിലായത്. പാണ്ടിക്കാട് പൊലീസാണ് ഇവരെ അറസ്റ്റുചെയ്തത്. പാണ്ടിക്കാട് ടൗണില്‍ പ്രവര്‍ത്തിക്കുന്ന ഗായത്രി ഹോട്ടല്‍ ഉടമയായ മുരളീധരന്റെ മൊബൈല്‍ ഫോണ്‍ ആണ് മോഷ്ടിക്കപ്പെട്ടത്. ഈ ഹോട്ടലിലെ തൊഴിലാളിയായിരുന്നു മുഹമ്മദ് ഇര്‍ഫാന്‍. 75000 രൂപയോളമാണ് ഗൂഗിള്‍ പേ വഴി ട്രാന്‍സ്ഫര്‍ ചെയ്തത്.
