കൊച്ചി മെട്രോയില്‍ താന്‍ യാത്ര ചെയ്‌തതിന് ഉത്തരവാദി മുഖ്യമന്ത്രി പിണറായി വിജയനാണെന്ന് ബിജെപി സംസ്ഥാന അധ്യക്ഷൻ കുമ്മനം രാജശേഖരൻ. ഞാന്‍ മെട്രോയിൽ അതിക്രമിച്ച്​ കയറിയെന്ന ആരോപണം തെറ്റാണ്​. കേന്ദ്രം ഭരിക്കുന്ന പാർട്ടിയുടെ സംസ്ഥാന അധ്യക്ഷനാണ്​ താനെന്നും കുമ്മനം പറഞ്ഞു. ​

ഞാന്‍ മെട്രോയില്‍ സഞ്ചരിക്കുമെന്ന കാര്യം അഭ്യന്തര വകുപ്പി​​​ന്റെ ചുമതലയുള്ള മുഖ്യമന്ത്രിക്ക്​ അറിയാമായിരുന്നു. പ്രധാനമന്ത്രി നരേന്ദ്ര മോദിയുടെ ഓഫീസാണ്​ ത​​​ന്റെ പേര്​ മെട്രോ യാത്രയിൽ ഉൾപ്പെടുത്തിയത്. മുഴുവൻ സുരക്ഷ ഉദ്യോഗസ്ഥർക്കും യാത്രയെ സംബന്ധിച്ച്​ അറിവുണ്ടെന്നും ബിജെപി സംസ്ഥാന അധ്യക്ഷൻ പറഞ്ഞു.

മെട്രോയില്‍ സഞ്ചരിക്കുമെന്ന കാര്യം മുഴുവൻ സുരക്ഷ ഉദ്യോഗസ്ഥർക്കും അറിയാവുന്നതാണ്. കേരള പൊലീസാണ്​ തനിക്ക്​ സഞ്ചരിക്കാനുള്ള വാഹനം നൽകിയത്​. വിഷയത്തിൽ മുഖ്യമന്ത്രി പ്രതികരിക്കണമെന്നും കുമ്മനം പറഞ്ഞു.