അനുബന്ധ വാര്ത്തകള്
- കഴിഞ്ഞ അഞ്ചുവര്ഷത്തിനിടെ കേരളത്തില് കാട്ടാനകള് കൊന്നത് 111 പേരെ; മരണങ്ങള് കൂടുതലും പാലക്കാട്
- പാപ്പിനിശ്ശേരിയില് നാലുമാസം പ്രായമുള്ള കുഞ്ഞ് കിണറ്റില് മരിച്ച നിലയില്
- വീട്ടിലെത്തിയത് മുന് കാമുകിയെ കൊല്ലാന് ഉറപ്പിച്ച്; പേരയ്ക്ക മുറിക്കാന് ഉപയോഗിച്ച കത്തി കൊണ്ട് സഹോദരനെ കുത്തി !
- ലഹരി മാഫിയയെ പൂട്ടാന് സര്ക്കാര്; ഉപയോഗം കണ്ടെത്താന് ഉമിനീര് പരിശോധന, ബാങ്ക് അക്കൗണ്ടുകള് പരിശോധിക്കും
- മനുഷ്യ-മൃഗ സംഘര്ഷങ്ങള് ഒഴിവാക്കാന് തേനീച്ചക്കൂട് വേലി, ഇക്കാര്യങ്ങള് അറിയണം
ഹൈക്കോര്ട്ട് റൂട്ടില് കൊച്ചി മെട്രോ ഇലക്ട്രിക് ബസ് സര്ക്കുലര് സര്വീസ് നാളെ മുതല്
രാവിലെ 7.45 മുതല് രാത്രി 8 മണി വരെ 10 മിനിറ്റ് ഇടവിട്ട് സര്വ്വീസ് ഉണ്ടാകും
Kochi Metro Bus
ഹൈക്കോടതി വാട്ടര് മെട്രോ സ്റ്റേഷനെ കൊച്ചി മെട്രോയുമായും നഗരത്തിലെ പ്രധാന കേന്ദ്രങ്ങളുമായും ബന്ധിപ്പിക്കുന്ന ഇലക്ട്രിക് ബസ് സര്ക്കുലര് സര്വ്വീസ് ബുധനാഴ്ച (നാളെ) ആരംഭിക്കും. ഹൈക്കോടതി വാട്ടര് മെട്രോ സ്റ്റേഷനില് നിന്നാരംഭിച്ച് ഫാര്മസി ജംഗ്ഷന് വഴി എംജി റോഡ്, മഹാരാജാസ്, ജനറല് ഹോസ്പിറ്റല് വഴി ഹൈക്കോടതിയിലേക്ക് എത്തുന്ന വിധത്തിലാണ് സര്ക്കുലര് സര്വ്വീസ് ക്രമീകരിച്ചിരിക്കുന്നത്.
രാവിലെ 7.45 മുതല് രാത്രി 8 മണി വരെ 10 മിനിറ്റ് ഇടവിട്ട് സര്വ്വീസ് ഉണ്ടാകും. മൂന്ന് ബസുകളാണ് സര്വീസ് നടത്തുക. അഞ്ച് കിലോമീറ്ററിന് 20 രൂപയാണ് നിരക്ക്. ഹൈക്കോര്ട്ട്, എം.ജി റോഡ്, മഹാരാജാസ് മെട്രോ സ്റ്റേഷനുകള്, ജനറല് ഹോസ്പിറ്റല്, ജട്ടി, മേനക എന്നിവിടങ്ങളില് സ്റ്റോപ്പുകള് ഉണ്ടാകും.
62 ദിവസം മുമ്പ് വിവിധ റൂട്ടുകളിലായി ആരംഭിച്ച ഇലക്ട്രിക് ബസ് സര്വീസുകളില് ഇതേവരെ ഒന്നര ലക്ഷത്തോളം പേര് യാത്രചെയ്തു. ആലുവ - സിയാല് എയര്പോര്ട്ട്, കളമശേരി - മെഡിക്കല് കോളേജ്, കളമശേരി - കുസാറ്റ്, കളമശേരി - ഇന്ഫോ പാര്ക്ക്, കാക്കനാട് വാട്ടര് മെട്രോ - ഇന്ഫോ പാര്ക്ക്, കാക്കനാട് വാട്ടര് മെട്രോ - സിവില് സ്റ്റേഷന് എന്നീ റൂട്ടുകളിലായി ഒന്പത് ബസുകളാണ് ഇപ്പോള് സര്വ്വീസ് നടത്തുന്നത്.
