അനുബന്ധ വാര്ത്തകള്
- സ്പ്രിംഗ്ളർ : കേന്ദ്ര അന്വേഷണം നടത്തണമെന്നാവശ്യപ്പെട്ട് ഹൈക്കോടതിയിൽ ഹർജി
- കൊവിഡ് ഭീതിക്കിടയിൽ കേരളത്തെ കാത്തിരിക്കുന്നത് മൂന്നാം പ്രളയമോ?
- പ്രവാസികൾക്ക് ആശ്വാസം; സർക്കാർ ഇടപെട്ടു, ക്യാൻസൽ ചെയ്യുന്ന വിമാന ടിക്കറ്റുകൾക്ക് മുഴുവൻ റീഫണ്ടും ലഭിക്കും
- 'ഹെലികോപ്റ്ററിൽ നിന്നും മോദി പണം വാരി വിതറും' - ടിവി വാർത്ത കണ്ട് മാനം നോക്കി ജനങ്ങൾ
- വിദ്വേഷം പരത്തുന്നു, രംഗോലി ചന്ദേലിന്റെ ട്വിറ്റർ അക്കൗണ്ട് സസ്പൻഡ് ചെയ്തു
ഇന്ന് ഒരാൾക്ക് മാത്രം രോഗം, 10 പേർക്ക് രോഗമുക്തി, ആശ്വാസതീരത്ത് കേരളം
സംസ്ഥാനത്ത് ഇന്ന് കൊവിഡ് സ്ഥിരീകരിച്ചത് ഒരാൾക്ക് മാത്രം .കോഴിക്കോട് അഴിയൂർ സ്വദേശിയായ 31കാരനാണ് രോഗം സ്ഥിരീകരിച്ചത്.അഴിയൂരില് കഴിഞ്ഞദിവസം കൊവിഡ് സ്ഥിരീകരിച്ച രോഗിയുടെ അടുത്ത സമ്പര്ക്കത്തിലുള്ള വ്യക്തിക്കാണ് പുതുതായി ഇന്ന് രോഗം സ്ഥിരീകരിച്ചത്.
അതേ സമയം സംസ്ഥാനത്ത് ഇന്ന് 10 പേർ രോഗമുക്തി നേടിയതായി ആരോഗ്യവകുപ്പ് അറിയിച്ചു. കൊവിഡിനെതിരെയുള്ള പോരാട്ടത്തിൽ അഭിമാനർഹമായ നേട്ടമാണ് ഇന്ന് സംസ്ഥാനം സ്വന്തമാക്കിയത്. ഇന്ന് രോഗമുക്തി നേട്ഇയവരിൽ 6 പേർ കാസർകോട് സ്വദേശികളും എറണാകുളം ജില്ലയിലെ 2 പേരും മലപ്പുറം ആലപ്പുഴ എന്നിവിടങ്ങളിൽ നിന്നും ഓരോ ആളുകളുമാണുള്ളത്.ഇതുവരെ 255 പേരാണ് സംസ്ഥാനത്ത് രോഗമുക്തി നേടിയത്.138 പേർ സംസ്ഥാനത്തെ വിവിധ ആശുപത്രികളിൽ ചികിത്സയിലാണ്.
സംസ്ഥാനത്ത് കൊവിഡ് കേസുകളുടെ എണ്ണം ഗണ്യമായി കുറഞ്ഞതോടെ വിവിധ ജില്ലകളിൽ നിരീക്ഷണത്തിലുള്ളവരുടെ എണ്ണം 79,980 ആയി കുറഞ്ഞു. ഇവരിൽ 78,454 പേർ വീടുകളിലും 526 പേർ ആശുപത്രികളിലും നിരീക്ഷണത്തിലാണ്. 84 പേരെ ഇന്ന് ആശുപത്രിയിൽ പ്രവേശിപ്പിച്ചു. ഇതുവരെ 18,029 സാമ്പിളുകൾ പരിശോധനയ്ക്ക് അയച്ചപ്പോൾ 17,279 സാമ്പിളുകൾ നെഗറ്റീവായി.
