തിരുവനന്തുപുരം|
Last Modified തിങ്കള്‍, 12 ഒക്‌ടോബര്‍ 2015 (17:42 IST)
സംസ്ഥാന സര്‍ക്കാരിന്റെ 2014 ലെ ജെ.സി ഡാനിയല്‍ പുരസ്‌കാരം പ്രശസ്ത സംവിധായകന്‍ ഐ വി ശശിക്ക്. എം ടി വാസുദേവന്‍ നായര്‍ അദ്ധ്യക്ഷനായ ജൂറിയാണ് പുരസ്‌കാര നിര്‍ണയം നടത്തിയത്. നാലു പതിറ്റാണ്ടോളം നീണ്ട ചലച്ചിത്രപ്രവര്‍ത്തനത്തിലൂടെ മലയാള സിനിമയ്ക്ക് നല്‍കിയ സമഗ്ര സംഭാവനകള്‍ പരിഗണിച്ചാണ് അവാര്‍ഡ്.
നടന്‍ പത്മശ്രീ മധു, പി വി ഗംഗാധരന്‍, സാംസ്‌കാരിക വകുപ്പ് സെക്രട്ടറി റാണി ജോര്‍ജ്ജ്, ചലച്ചിത്ര അക്കാദമി ചെയര്‍മാന്‍ ടി രാജീവ് നാഥ് എന്നിവരും ജൂറിയിലുണ്ടായിരുന്നു. കലാസംവിധായകനായി സിനിമാ മേഖലയിലേക്കു കടന്നു വന്ന ഐ വി ശശി 150 ഓളം ചിത്രങ്ങള്‍ സംവിധാനം ചെയ്തിട്ടുണ്ട്.
