അനുബന്ധ വാര്ത്തകള്
- ഹേമ കമ്മിറ്റി റിപ്പോര്ട്ട് പുറത്ത് വിടുന്നത് ഹൈക്കോടതി സ്റ്റേ ചെയ്തു; നടപടി നിര്മ്മാതാവ് സജി മോന് പാറയിലിന്റെ ഹര്ജിയില്
- കൊല്ലവര്ഷം 1200 പിറന്നു; ഇന്ന് ചിങ്ങം 1
- വയനാട്ടിലെ ഉരുള്പൊട്ടല് ദുരിതബാധിതരുടെ പുനരധിവാസത്തിനായി നാലുകോടി രൂപ നല്കുമെന്ന് മണപ്പുറം ഫിനാന്സ്
- സംസ്ഥാനത്ത് വരും മണിക്കൂറുകളില് ഈ ജില്ലകളില് മഴ ശക്തമാകും
- സംസ്ഥാനത്ത് ഇന്ന് വൈദ്യുതി നിയന്ത്രണം; കാരണം ഇതാണ്
വമ്പന്മാര്ക്ക് പൊള്ളുമോ? ഹേമ കമ്മിറ്റി റിപ്പോര്ട്ട് ഇന്ന് പുറത്തുവിടില്ല
ഹേമ കമ്മിറ്റിക്ക് മുന്പാകെ താന് അടക്കമുള്ള നിരവധി അഭിനേതാക്കള് മൊഴി നല്കിയിട്ടുണ്ട്
മലയാള സിനിമാ മേഖലയില് സ്ത്രീകള് നേരിടുന്ന പ്രശ്നങ്ങളെ കുറിച്ച് പഠിച്ച ജസ്റ്റിസ് ഹേമ കമ്മിറ്റിയുടെ റിപ്പോര്ട്ട് ഇന്ന് പുറത്തുവിടില്ല. നടി രഞ്ജിനി ഹര്ജിയുമായി ഹൈക്കോടതിയെ സമീപിച്ച സാഹചര്യത്തിലാണു തീരുമാനം. റിപ്പോര്ട്ട് പുറത്തുവിടുന്നത് അനുവദിച്ചുകൊണ്ടുള്ള ഹൈക്കോടതി സിംഗിള് ബെഞ്ച് ഉത്തരവിനെതിരെയാണ് നടി അപ്പീല് നല്കിയത്. ഹര്ജി തിങ്കളാഴ്ച ഹൈക്കോടതി പരിഗണിക്കും. ഇതിനു ശേഷമായിരിക്കും റിപ്പോര്ട്ട് പുറത്തുവിടുന്നതില് തീരുമാനമെടുക്കുക.
ഹേമ കമ്മിറ്റിക്ക് മുന്പാകെ താന് അടക്കമുള്ള നിരവധി അഭിനേതാക്കള് മൊഴി നല്കിയിട്ടുണ്ട്. എന്നാല് റിപ്പോര്ട്ടിന്റെ പകര്പ്പ് തങ്ങള്ക്കു ഇതുവരെ ലഭിച്ചിട്ടില്ല. മൊഴി നല്കിയപ്പോള് തങ്ങളുടെ സ്വകാര്യത മാനിക്കുമെന്ന് ജസ്റ്റിസ് ഹേമ ഉറപ്പു നല്കിയിരുന്നു. ഈ സാഹചര്യത്തില് റിപ്പോര്ട്ട് പുറത്തുവിടുന്നതിനു മുന്പ് അതിന്റെ ഉള്ളടക്കം അറിയണമെന്നും തങ്ങളുടെ അനുമതിയോടു കൂടി മാത്രമേ റിപ്പോര്ട്ട് പുറത്തുവിടാവൂ എന്നുമാണ് ഹര്ജിക്കാരിയായ രഞ്ജിനിയുടെ ആവശ്യം.
അതേസമയം ഹേമ കമ്മിറ്റി റിപ്പോര്ട്ട് പുറത്തുവിടുന്നത് തടയണമെന്ന് ആവശ്യപ്പെട്ട് നിര്മാതാവ് സജിമോന് പാറയില് നല്കിയ ഹര്ജി നേരത്തെ ഹൈക്കോടതി തള്ളിയിരുന്നു. റിപ്പോര്ട്ട് ഏകപക്ഷീയമായതിനാല് പുറത്തുവിടരുതെന്ന ഹര്ജിയാണ് ഹൈക്കോടതി തള്ളിയത്. സിനിമാ മേഖലയിലെ സ്ത്രീകള് നേരിടുന്ന പ്രതിസന്ധിയാണ് ഹേമ കമ്മിറ്റി റിപ്പോര്ട്ടിലുള്ളത്.
