അനുബന്ധ വാര്ത്തകള്
- നടിയെ ലൈംഗികമായി പീഡിപ്പിച്ചു; മുകേഷിനെതിരെ ജാമ്യമില്ലാ വകുപ്പ് പ്രകാരം കേസ്
- മാധ്യമ പ്രവര്ത്തകര് മാര്ഗ തടസം സൃഷ്ടിച്ചു; സുരേഷ് ഗോപിയുടെ പരാതിയില് ദില്ലി പോലീസ് അന്വേഷണം തുടങ്ങി
- സംസ്ഥാനത്ത് വരും മണിക്കൂറുകളില് ഈ ജില്ലകളില് ശക്തമായ മഴയ്ക്ക് സാധ്യത
- സ്ത്രീകളെ ഉപഭോഗവസ്തുക്കളായി കാണുന്നത് അനുവദിക്കാനാവില്ലെന്ന് രാഷ്ട്രപതി ദ്രൗപതി മുര്മു
- മാധ്യമപ്രവര്ത്തകരെ തള്ളിമാറ്റിയ സംഭവത്തില് സുരേഷ് ഗോപിക്കെതിരെ അന്വേഷണം
അറബിക്കടലില് അതിതീവ്ര ന്യൂനമര്ദ്ദം; കേരളത്തില് മഴ തുടരും, ഈ ജില്ലകള്ക്ക് മുന്നറിയിപ്പ്
ഇന്ന് കോഴിക്കോട്, കണ്ണൂര് ജില്ലകളില് ഓറഞ്ച് അലര്ട്ടാണ്
അതിതീവ്ര ന്യുനമര്ദ്ദം സൗരാഷ്ട്ര കച്ച് തീരത്തിനു സമീപം വടക്ക് കിഴക്കന് അറബിക്കടലില് എത്തിച്ചേര്ന്നു. മധ്യകേരള തീരം മുതല് തെക്കന് ഗുജറാത്ത് തീരം വരെ ന്യുനമര്ദ്ദ പാത്തി സ്ഥിതിചെയ്യുന്നു. മധ്യ കിഴക്കന് / വടക്കന് ബംഗാള് ഉള്ക്കടലില് പുതിയൊരു ന്യുനമര്ദ്ദം രൂപപ്പെട്ട് വടക്കന് ആന്ധ്രാപ്രദേശ് തെക്കന് ഒഡിഷ തീരത്തേക്ക് നീങ്ങാന് സാധ്യത. ഇതിന്റെ ഫലമായി കേരളത്തില് അടുത്ത അഞ്ച് ദിവസം വ്യാപകമായി മിതമായ / ഇടത്തരം മഴയ്ക്ക് സാധ്യത. ഒറ്റപ്പെട്ട സ്ഥലങ്ങളില് ഓഗസ്റ്റ് 30 ന് അതിശക്തമായ മഴയ്ക്കും സെപ്റ്റംബര് ഒന്ന് വരെ ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
ഇന്ന് കോഴിക്കോട്, കണ്ണൂര് ജില്ലകളില് ഓറഞ്ച് അലര്ട്ടാണ്. ഒറ്റപ്പെട്ടയിടങ്ങളില് അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. എറണാകുളം, തൃശൂര്, പാലക്കാട്, മലപ്പുറം, വയനാട്, കാസര്ഗോഡ് ജില്ലകളില് യെല്ലോ അലര്ട്ടാണ്. ഈ ജില്ലകളില് ഒറ്റപ്പെട്ട ശക്തമായ മഴയ്ക്കുള്ള സാധ്യതയുണ്ട്.
കേരള - ലക്ഷദ്വീപ് തീരങ്ങളില് ഓഗസ്റ്റ് 29 മുതല് 31 വരെയും, കര്ണാടക തീരത്ത് ഓഗസ്റ്റ് 31 വരെയും മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
