കൊച്ചി: വാണിജ്യ ആവശ്യങ്ങൾക്കുള്ള പാചക വാതക വില കുത്തനെ കൂട്ടി. വാണിജ്യ വാതക സിലിൻഡറിനു 106.50 രൂപയാണ് ഇപ്പോൾ കൂട്ടിയത്. ഇതോടെ സിലിണ്ടറിന്റെ വില കൊച്ചിയിൽ 2009 രൂപയായി ഉയർന്നു. എന്നാൽ വാർഹിക ആവശ്യത്തിന് ഉപയോഗിക്കുന്ന സിലിണ്ടർ വിലയിൽ മാറ്റമില്ല.

കഴിഞ്ഞ മാസം ആദ്യ വാരം വാണിജ്യ സിലിണ്ടറിന്റെ വില 101 രൂപ കുറച്ചിരുന്നു. ഇപ്പോൾ അത് 106 രൂപയായി ഉയർത്തി. അതെ സമയം അഞ്ചു സംസ്ഥാനങ്ങളിൽ നടക്കാനിരിക്കുന്ന നിയമസഭാ തെരഞ്ഞെടുപ്പിന് ശേഷം മാർച്ച ഏഴോടെ പാചക വാതക സിലിണ്ടറിനൊപ്പം പെട്രോൾ, ഡീസൽ വിലയിലും വർധന ഉണ്ടാകും എന്നാണു കരുതുന്നത്.