കൊച്ചി|
jibin|
Last Modified വ്യാഴം, 2 നവം‌ബര്‍ 2017 (14:49 IST)
ചങ്ക്‌സ് 2 ദി കണ്‍ക്ലൂഷനില്‍ പോണ്‍ ആരാധകരുടെ ഇഷ്ടതാരമായ
മിയ ഖലീഫ അഭിനയിക്കില്ലെന്ന വാര്‍ത്ത പുറത്തുവന്നതിന് പിന്നാലെ വെളിപ്പെടുത്തലുമായി ചിത്രത്തിന്റെ സംവിധായകന് ഒമര്‍ ലുലു രംഗത്ത്.
പുറത്തുവന്ന വാര്‍ത്തകള്‍ പലരിലും തെറ്റിദ്ധാരണയുണ്ടാക്കി. ഒരു പോണ്‍ താരത്തെ സിനിമയില്‍ ഉള്‍പ്പെടുത്തണമെന്ന് ചിത്രം നിര്‍മ്മിക്കുന്ന ബോളിവുഡ് കമ്പനിയാണ് ആവശ്യപ്പെട്ടത്. മിയ ഖലീഫയെ ചിത്രത്തിന്റെ ഭാഗമാ‍ക്കാനായിരുന്നു തീരുമാനം. അതു സംബന്ധിച്ചുള്ള ചര്‍ച്ചകള്‍ നടക്കുന്നതിനിടെയാണ് മിയ എത്തുമെന്ന് ഉറപ്പിച്ചുള്ള വാര്‍ത്തകള്‍ മാധ്യമങ്ങള്‍ നല്‍കിയതെന്നും ഒമര്‍ വ്യക്തമാക്കി.
മിയ ഖലീഫയെ ചിത്രത്തില്‍ ഉള്‍പ്പെടുത്താന്‍ സാധിച്ചില്ലെങ്കില്‍ മറ്റൊരു പോള്‍ താരം ചങ്ക്‌സ് 2വില്‍ ഉണ്ടാകും.
ഒരാഴ്ചയ്ക്കകം ഇതില്‍ വ്യക്തത വരുത്തും. മുമ്പ് പോണ്‍ സിനിമകളില്‍ സജീവമായിരുന്ന സണ്ണി ലിയോണ്‍ ഇപ്പോള്‍ സിനിമകളില്‍ സജീവമാണെന്നും ഒമര്‍ കൂട്ടിച്ചേര്‍ത്തു.
ചിത്രത്തില്‍ മിയ എത്തുമെന്ന വാര്‍ത്തകള്‍ മാധ്യമങ്ങള്‍ റിപ്പോര്‍ട്ട് ചെയ്തിരുന്നു. എന്നാല്‍ ഇത് നിഷേധിച്ച്
ബോളിവുഡ് വെബ്‌സൈറ്റ് രംഗത്തെത്തിയതിനെതിരെ പ്രതികരിക്കുകയായിരുന്നു സംവിധായകന്.
മിയ ഖലീഫ ഇന്ത്യയിലുള്ള ഒരു ഏജന്‍സിയുമായും സിനിമയുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്തിട്ടില്ലെന്നാണ് മിയയുമായി ബന്ധപ്പെട്ട വൃത്തങ്ങള്‍ വ്യക്തമാക്കിയത്. മിയ ഖലീഫ മലയാളത്തില്‍ അഭിനയിക്കുന്നുവെന്ന വാര്‍ത്തയും ഇവര്‍ പൂര്‍ണ്ണമായും നിഷേധിച്ചു. വിനോദ വെബ് സൈറ്റായ ബോളിവുഡ് ലൈഫാണ് ഇക്കാര്യം സംബന്ധിച്ച വാര്‍ത്ത പുറത്തുവിട്ടത്.
