അനുബന്ധ വാര്ത്തകള്
- കേരളത്തില് നാലാം മുന്നണി; ആം ആദ്മിയും ട്വന്റി 20 യും ചേര്ന്ന് 'ജനക്ഷേമ സഖ്യം'
- സംസ്ഥാനത്ത് മിന്നല് പ്രളയത്തിനു സാധ്യത; ദുരന്ത നിവാരണ സംഘം കേരളത്തിലേക്ക്, അതീവ ജാഗ്രത
- വരുന്നത് തോരാമഴയോ? അഞ്ച് ജില്ലകളില് റെഡ് അലര്ട്ട്
- സംസ്ഥാനത്ത് ഇന്നും നാളെയും അഞ്ചുജില്ലകളില് റെഡ് അലര്ട്ട്
- ഒരു വര്ഷത്തിനിടെ കിണര് അപകടങ്ങളില് കൊല്ലം ജില്ലയില് മാത്രം മരണപ്പെട്ടത് ആറുപേര്!
സംസ്ഥാനത്ത് ഇന്ന് അഞ്ചുജില്ലകളില് റെഡ് അലര്ട്ട്; എഴുജില്ലകളില് ഓറഞ്ച് അലര്ട്ട്
സംസ്ഥാനത്ത് എറണാകുളം, ഇടുക്കി, തൃശൂര്, കോഴിക്കോട്, കണ്ണൂര് എന്നീ ജില്ലകളില് കേന്ദ്ര കാലാവസ്ഥ വകുപ്പ് റെഡ് അലേര്ട്ട് പ്രഖ്യാപിച്ചിരിക്കുന്നു. കാലാവസ്ഥ വകുപ്പിന്റെ ഏറ്റവും ഉയര്ന്ന അലേര്ട്ടാണ് ഇത്. അതിതീവ്രമായ മഴക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില് 204.5 mm യില് കൂടുതല് മഴ ലഭിക്കുമെന്നാണ് അതിതീവ്രമായ മഴ എന്നത് കൊണ്ട് കാലാവസ്ഥ വകുപ്പ് അര്ത്ഥമാക്കുന്നത്. ഇത് വലിയ അപകടങ്ങള്ക്ക് കാരണമായേക്കാവുന്ന മഴയാണ്.
അതേസമയം കൊല്ലം, പത്തനംതിട്ട, കോട്ടയം, ആലപ്പുഴ, മലപ്പുറം, വയനാട്, കാസറഗോഡ് എന്നീ ജില്ലകളില് ഓറഞ്ച് അലേര്ട്ട് കേന്ദ്ര കാലാവസ്ഥ വകുപ്പ് പ്രഖ്യാപിച്ചിരിക്കുന്നു. ഒറ്റപ്പെട്ടയിടങ്ങളില് അതിശക്തമായ മഴക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില് 115.6 mm മുതല് 204.4 mm വരെ മഴ ലഭിക്കുമെന്നാണ് അതിശക്തമായ മഴ (Very Heavy Rainfall) എന്നത് കൊണ്ട് കാലാവസ്ഥ വകുപ്പ് അര്ത്ഥമാക്കുന്നത്.
കഴിഞ്ഞ ദിവസങ്ങളില് വലിയ അളവില് മഴ ലഭിച്ച പ്രദേശങ്ങളില് മഴ തുടരുന്ന സാഹചര്യത്തില് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്-മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണം.
