അനുബന്ധ വാര്ത്തകള്
- ഫഹദിന്റെ നായികയായി കല്യാണി പ്രിയദര്ശന്, ആവേശത്തിനുശേഷം 'ഓടും കുതിര ചാടും കുതിര', ചിത്രീകരണം എറണാകുളത്ത്
- സംസ്ഥാനത്ത് രാത്രി ഈ ജില്ലകളില് ഇടിമിന്നലോടുകൂടിയ മഴയ്ക്ക് സാധ്യത
- എറണാകുളത്ത് ചെമ്മീന് കറി കഴിച്ചതിന് പിന്നാലെ ശാരീരിക അസ്വസ്ഥത ഉണ്ടായ യുവാവ് മരിച്ചു
- അങ്കമാലിയില് ഗുണ്ടാ നേതാവിനെ നടുറോഡില് വെട്ടിക്കൊന്ന സംഭവത്തില് രണ്ടുപേര് അറസ്റ്റില്
- എറണാകുളത്ത് ടിപ്പര് ലോറി ബൈക്കിന് പിന്നിലിടിച്ച് അച്ഛനും മകള്ക്കും ദാരുണാന്ത്യം
എറണാകുളത്ത് കിടപ്പുരോഗിയായ പിതാവിനെ വാടകവീട്ടില് ഉപേക്ഷിച്ച് മകനും കുടുംബവും കടന്നു; 70കാരന് ആഹാരം കഴിക്കാതെ കിടന്നത് രണ്ടുദിവസം
എറണാകുളത്ത് കിടപ്പുരോഗിയായ പിതാവിനെ വാടകവീട്ടില് ഉപേക്ഷിച്ച് മകനും കുടുംബവും കടന്നു. എറണാകുളം എരൂരിലാണ് സംഭവം. 70 വയസ്സ് കഴിഞ്ഞ ഷണ്മുഖന് എന്ന വൃദ്ധനെയാണ് അവശനിലയില് കണ്ടെത്തിയത്. ഇത്തരത്തില് രണ്ടു ദിവസം ഭക്ഷണം കഴിക്കാതെയും പ്രാഥമികകൃത്യങ്ങള് നടത്താന് കഴിയാതെ ബുദ്ധിമുട്ടുകയായിരുന്നു ശണ്മുഖന്. മൂന്നുമാസമായി മകന് അജിത്തിനൊപ്പം വാടകവീട്ടിലായിരുന്നു ഇദ്ദേഹം കഴിഞ്ഞിരുന്നത്. വാടക കൊടുക്കാത്തതിനെത്തുടര്ന്ന് വീട് ഒഴിയണമെന്ന് വീട്ടുടമ പറഞ്ഞിരുന്നു. പിന്നാലെ വ്യാഴാഴ്ച വീട്ടുപകരണങ്ങളും എടുത്തു കൊണ്ട് അജിത്തും കുടുംബവും വീട് ഒഴിഞ്ഞു. എന്നാല് പിതാവിനെ വീട്ടില് തന്നെ മുറിയില് ഉപേക്ഷിക്കുകയായിരുന്നു.
വൃദ്ധനെ വീട്ടില് ഉപേക്ഷിച്ച വിവരം അയല്വാസികളാണ് അറിയിച്ചത്. പിന്നാലെ ഷണ്മുഖനെ തൃപ്പൂണിത്തറ താലൂക്ക് ആശുപത്രിയിലേക്ക് മാറ്റി. ഇദ്ദേഹത്തിന്റെ സംരക്ഷണം സര്ക്കാര് ഏറ്റെടുക്കുമെന്ന് ആരോഗ്യമന്ത്രി അറിയിച്ചിട്ടുണ്ട്. അതേസമയം കൗണ്സിലറുടെ പരാതിയില് അജിത്തിനെതിരെ പോലീസ് കേസെടുത്തിട്ടുണ്ട്. ഷണ്മുഖന് അജിത്തിനെ കൂടാതെ രണ്ടുപെണ്മക്കളും ഉണ്ട്.
