കൊല്ലം: പ്രമുഖ ചിട്ടി ഇടപാട് സ്ഥാപനമായ കേച്ചേരി ചിട്ടിഫണ്ടിലെ തട്ടിപ്പു സംഭവവുമായി ബന്ധപ്പെട്ടു ശാഖാ മാനേജരെയും ഇപ്പോൾ നിക്ഷേപ തട്ടിപ്പു കേസിൽ പോലീസ് അറസ്റ്റ് ചെയ്തു. കിളിമാനൂർ ശാഖാ മാനേജരും ചടയമംഗലം നേട്ടത്തറ സ്വദേശിയുമായ സുരേഷ് കുമാറിനെ (56) യാണ് പോലീസ് അറസ്റ്റ് ചെയ്തത്.

കിളിമാനൂർ ശാഖയിൽ നിന്ന് ഇയാൾ പന്ത്രണ്ടു കോടി രൂപയുടെ ചിട്ടി തട്ടിപ്പു നടത്തി എന്നാണു കേസ്. അറസ്റ്റിലായ പ്രതിയെ കോടതി റിമാൻഡ് ചെയ്തു. എന്നാൽ കേസിലെ ഒന്നാം പ്രതിയും ചിട്ടി ഫണ്ട് ഉടമയുമായ വേണുഗോപാലിനെ നേരത്തെ തന്നെ കൊട്ടാരക്കര പോലീസ് അറസ്റ്റ് ചെയ്തിരുന്നു. കൂടുതൽ വിവരങ്ങൾ അറിവായിട്ടില്ല.