അനുബന്ധ വാര്ത്തകള്
- സെബാസ്റ്റ്യന് ചെറിയ മീനല്ല ! 17-ാം വയസ്സില് ബന്ധുക്കളെ കൊല്ലാന് ശ്രമം; പറമ്പിലെ കുളത്തില് മാംസം തിന്നുന്ന മീനുകള്
- നാല് ലക്ഷം രൂപ ശമ്പള കുടിശ്ശിക കിട്ടാനുള്ള ദേവസ്വം ബോര്ഡ് ജീവനക്കാരന് ചികിത്സയ്ക്ക് പണമില്ലാതെ മരിച്ചു
- കൊച്ചി മെട്രോ ട്രാക്കിൽ നിന്ന് ചാടിയ മലപ്പുറം സ്വദേശി മരിച്ചു
- ലഹരിക്കടിമയായ മകൻ അമ്മയെ നിരന്തരമായി പീഡിപ്പിച്ചു, 30 കാരനായ യുവാവ് അറസ്റ്റിൽ
- സ്കൂളിലെ ഡെസ്ക്കില് നിന്ന് സൂക്ഷ്മജീവികളുടെ കടിയേറ്റു; പട്ടണക്കാട് സ്കൂളിലെ 30 ഓളം വിദ്യാര്ത്ഥികള് ആശുപത്രിയില്
മൃതദേഹാവശിഷ്ടങ്ങള് സ്ത്രീയുടേത്, കാറില് കത്തിയും ചുറ്റികയും; സഹകരിക്കാതെ സെബാസ്റ്റ്യന്
സെബാസ്റ്റ്യന്റെ കാര് ഭാര്യവീട്ടില് പാര്ക്ക് ചെയ്തിരിക്കുകയായിരുന്നു
അതിരമ്പുഴ സ്വദേശിനി ജെയ്നമ്മ തിരോധാനക്കേസിലെ പ്രതി പള്ളിപ്പുറം ചൊങ്ങുതറ സി.എം.സെബാസ്റ്റ്യന്റെ (68) കാറില് നിന്ന് കത്തി, ചുറ്റിക, ഡീസല് മണമുള്ള കന്നാസ്, പഴ്സ് എന്നിവ ക്രൈം ബ്രാഞ്ച് സംഘം കണ്ടെത്തി. വെട്ടിമുകളില് സെബാസ്റ്റ്യന്റെ ഭാര്യയുടെ വീട്ടില് നടത്തിയ മിന്നല് പരിശോധനയിലാണ് ഇവ കണ്ടെത്തിയത്.
സെബാസ്റ്റ്യന്റെ കാര് ഭാര്യവീട്ടില് പാര്ക്ക് ചെയ്തിരിക്കുകയായിരുന്നു. ഡീസലിന്റെ മണമുള്ള 20 ലീറ്ററിന്റെ കന്നാസാണ് കാറില് നിന്ന് ലഭിച്ചത്. ഇതില് ഡീസല് വാങ്ങിയിട്ടുണ്ടെന്ന് അന്വേഷണസംഘം സ്ഥിരീകരിച്ചിട്ടുണ്ട്. സെബാസ്റ്റ്യന്റെ മൊബൈല് ഫോണിനായുള്ള തെരച്ചില് തുടരുകയാണ്.
സെബാസ്റ്റ്യന്റെ ചേര്ത്തലയിലെ വീട്ടുവളപ്പില് നിന്ന് ലഭിച്ച മൃതദേഹാവിശ്ഷടങ്ങള് സ്ത്രീയുടേതാണെന്ന് വിദഗ്ധ പരിശോധനയില് കണ്ടെത്തി. ഇത് ജെയ്നമ്മയുടേതാണോയെന്നു സ്ഥിരീകരിക്കാന് ഡിഎന്എ പരിശോധനാഫലവും മറ്റു രാസപരിശോധനാഫലങ്ങളും ലഭിക്കേണ്ടതുണ്ട്. ജെയ്നമ്മയുടെ ഫോണ് കണ്ടെത്തുകയും വേണം.
സെബാസ്റ്റ്യനെ കോടതി ഏഴു ദിവസത്തേക്കു കൂടി ക്രൈംബ്രാഞ്ചിന്റെ കസ്റ്റഡിയില് വിട്ടു. പ്രതി സെബാസ്റ്റ്യന് തന്നെയെന്നതിനു തെളിവുണ്ടെന്നും കൂടുതല് ചോദ്യം ചെയ്യല് ആവശ്യമാണെന്നും അന്വേഷണസംഘം കോടതിയെ അറിയിച്ചു. ഇത് അംഗീകരിച്ചാണ് കസ്റ്റഡി അനുവദിച്ചത്.
