ചാലക്കുടിയില്‍ ബസ്​ ​ലോറിയിൽ ഇടിച്ച്​ ഒരാൾ മരിച്ചു. ദേശീയ പാതയിൽ പോട്ടയിൽ ഇന്ന്​ പുലർച്ചെ രണ്ടരക്കാണ്​ അപകടമുണ്ടായത്​. ബസ്​ ​ഡ്രൈവറും പാലക്കാട്​ സ്വദേശിയുമായ സുരേന്ദ്രനാണ്​ മരിച്ചത്​. ഇരുപത്തിയഞ്ചോളം യാത്രക്കാർക്ക്​ പരിക്കേറ്റു.

തിരുവനന്തപുരത്ത്​ നിന്ന്​ കണ്ണൂരിലേക്ക്​​ പോയ കല്ലട ബസാണ് അപകടത്തില്‍പ്പെട്ടത്. ബസിന്റെ അമിതവേഗമാണ് ഓടിക്കൊണ്ടിരുന്ന ​ലോറിയുടെ പിന്നിൽ ഇടിക്കാന്‍ കാരണമായതെന്ന് യാത്രക്കാര്‍ പറഞ്ഞു. പരിക്കേറ്റവ​രെ ചാലക്കുടിയിലെ സ്വകാര്യ ആശുപത്രിയിൽ പ്രവേശിപ്പിച്ചു.