ബാറുപൂടിയതൊടെ മദ്യം കിട്ടാക്കനി. ബിവറേഗില്‍ പോയാലോ ചെനയിലെ വന്മതില്‍ തോല്‍ക്കുന്ന നീളത്തില്‍ ക്യൂവും. രണ്ടു ചെറുതടിക്കാന്‍ പിന്നെ എന്തു ചെയ്യും?

കോഴിക്കോട് സഹികെട്ട കുടിയന്‍മാര്‍ ബിവറേജസ് ഔട്ട്​ലെറ്റ് കുത്തിത്തുറന്ന് മദ്യം അടിച്ചുമാറ്റിയാണ് സര്‍ക്കാരിനോട് മദ്യ നയത്തിലുള്ള തങ്ങളുടെ പ്രതിഷേധമറിയിച്ചത്. കോഴിക്കോട് ചെമ്മങ്ങട് വെള്ളിയാഴ്ച രാത്രിയായിരുന്നു സംഭവം നടന്നത്.

മുന്‍ഭാഗത്തെ ഷട്ടറിന്റെ പൂട്ട് പൊട്ടിച്ച് അകത്ത് കടന്ന മോഷ്ടാക്കള്‍ ഒന്നും രണ്ടുമല്ല,​ 93 കുപ്പി മദ്യമാണ് കൊണ്ടുപോയത്. എല്ലാ തരം ബ്രാന്‍ഡുകളും
എടുത്തതായാണ് വിവരം. 37,300 രൂപയുടെ നഷ്ടം കണക്കാക്കുന്നു.
ശനിയാഴ്ച രാവിലെ മോഷണം ശ്രദ്ധയില്‍ പെട്ടതിനെ തുടര്‍ന്ന് നാട്ടുകാര്‍ മാനേജരെ വിവരം അറിയിച്ചു.
ചെമ്മങ്ങാട് പൊലീസ് കേസെടുത്തു.