ആലപ്പുഴയില്‍ അര്‍ധരാത്രി ആരോഗ്യപ്രവര്‍ത്തകയെ തട്ടിക്കൊണ്ടുപോകാന്‍ ശ്രമം. വണ്ടാനം മെഡിക്കല്‍ കോളേജിലെ ആരോഗ്യപ്രവര്‍ത്തകയ്ക്കു നേരെയാണ് ആക്രമണം നടന്നത്. ഇന്നലെ രാത്രി കൊവിഡ് ഡ്യുട്ടി കഴിഞ്ഞ മടങ്ങവെയാണ് ബൈക്കിലെത്തിയ രണ്ടുപേര്‍ ഇവരെ ആക്രമിക്കാനും തട്ടിക്കൊണ്ടുപോകാനും ശ്രമിച്ചത്. സംഭവത്തില്‍ ആരോഗ്യപ്രവര്‍ത്തകയ്ക്ക് പരിക്കേറ്റു. പ്രതികള്‍ക്കായി പൊലീസ് തിരച്ചില്‍ നടത്തുന്നുണ്ട്.