സിആര്‍ രവിചന്ദ്രന്‍|
Last Modified തിങ്കള്‍, 5 ജൂണ്‍ 2023 (09:02 IST)
എഐ ക്യാമറ ഇന്നു മുതല്‍ പിഴ ഈടാക്കും. പലതവണയായി മാറ്റിവയ്ച്ച തിയതി ജൂണ്‍ അഞ്ച് ആക്കുകയായിരുന്നു. ഗതാഗത നിയമലംഘനങ്ങള്‍ക്ക് ഇന്ന് രാവിലെ മുതല്‍ ക്യാമറകള്‍ പിഴ ഈടാക്കി തുടങ്ങിയിട്ടുണ്ട്. ഡ്രൈവിങിനിടെ ഫോണ്‍ ഉപയോഗിച്ചാല്‍ 2000രൂപയാണ് പിഴ. അമിത വേഗത-1500, ഇരുചക്രവാഹനങ്ങളിലെ ട്രിപ്പിള്‍ യാത്ര-1000, ഹെല്‍മറ്റ് ധരിച്ചില്ലെങ്കില്‍-500, സീറ്റ് ബെല്‍റ്റ് ധരിച്ചില്ലെങ്കില്‍-500, അനധികൃത പാര്‍ക്കിങ്-250 എന്നിങ്ങനെയാണ് പിഴ.
അതേസമയം പിഴ ഈടാക്കുന്നതില്‍ വ്യക്തികള്‍ക്ക് പരാതിയുണ്ടെങ്കില്‍ ജില്ലാ എന്‍ഫോഴ്‌സ്‌മെന്റ് ആര്‍ടിഓക്ക് പരാതി നല്‍കാം. ചലാന്‍ ലഭിച്ച 14 ദിവസത്തിനകം അപ്പീല്‍ നല്‍കണം. നിയമലംഘനം കണ്ടെത്തിയ പ്രദേശത്തെ എന്‍ഫോഴ്‌സ്‌മെന്റ് ആര്‍ടിഓയ്ക്കാണ് പരാതി നല്‍കേണ്ടത്.
