അനുബന്ധ വാര്ത്തകള്
- സ്പോട്ട് ബുക്കിംഗ് പരിഷ്കരണം, ശബരിമല സമരകേന്ദ്രമായി മാറുമെന്ന് ഇന്റലിജന്സ് റിപ്പോര്ട്ട്
- യൂട്യൂബ് ചാനലിലൂടെ സ്ത്രീത്വത്തെ അപമാനിച്ചു, സ്വാസികയ്ക്കും ബീന ആന്റണിക്കുമെതിരെ കേസ്
- Kerala Rain News: സംസ്ഥാനത്ത് ഇന്നും മഴ തന്നെ, 8 ജില്ലകളിൽ യെല്ലോ അലർട്ട്
- ഫോബ്സ് മാഗസിന് അതിസമ്പന്നരുടെ പട്ടികയില് ഏഴു മലയാളികളും
- റയിൽവേ ജോലി വാഗ്ദാനം ചെയ്തു 15 ലക്ഷം തട്ടിയ കേസിൽ 65 കാരി അറസ്റ്റിൽ
സ്കൂട്ടർ ഇടിച്ചു റോഡിൽ വീണ വയോധികന് ബസ് കയറി ദാരുണാന്ത്യം
തൃശൂര് : കുന്നംകുളം ചൊവ്വന്നൂര് പന്തല്ലൂരില് സ്കൂട്ടര് ഇടിച്ച് റോഡില് വീണ വയോധികന് ബസ് കയറി ദാരുണാന്ത്യം. ചൊവ്വന്നൂര് പന്തല്ലൂര് സ്വദേശി ശശി (62)യാണ് മരിച്ചത്.
അപകടത്തിനിടയാക്കിയ ബസ്സും സ്കൂട്ടറും പൊലീസ് കസ്റ്റഡിയിലെടുത്തു. മൃതദേഹം കുന്നംകുളം താലൂക്ക് ആശുപത്രിയില് സൂക്ഷിച്ചിട്ടുണ്ട്. ചൊവ്വനൂര് പന്തല്ലൂരില് റോഡ് കുറുകെ കടക്കുകയായിരുന്ന വയോധികന് കുന്നംകുളം ഭാഗത്തേക്ക് വന്നിരുന്ന സ്കൂട്ടര് തട്ടി റോഡില് വീഴുകയായിരുന്നു. ഉടൻ തന്നെറോഡില് വീണ വയോധികന്റെ ശരീരത്തിലൂടെ തൊട്ടു പുറകിലായി വന്ന ബസ് കയറിയിറങ്ങി.
വടക്കാഞ്ചേരി കുന്നംകുളം റൂട്ടില് സര്വീസ് നടത്തുന്ന ടിവിഎസ് മോട്ടോഴ്സ് വക ബസ്സാണ് അപകടത്തില്പ്പെട്ടത്. അപകടത്തില് ഗുരുതരമായി പരിക്കേറ്റ വയോധികന് സംഭവ സ്ഥലത്തു വെച്ച് തന്നെ മരിച്ചു. പൊലീസെത്തിയാണ് മൃതദേഹം ആശുപത്രിയിലേക്ക് മാറ്റിയത്.
