സംഘര്‍ഷം: മൂന്ന് എസ്എഫ്ഐ പ്രവര്‍ത്തകര്‍ക്ക് കുത്തേറ്റു
ബത്തേരി|
WEBDUNIA|
Last Modified വ്യാഴം, 28 ജൂണ്‍ 2012 (11:47 IST)
PRO
PRO
ബത്തേരിയില്‍ എസ് എഫ് ഐ - എം എസ് എഫ് സംഘര്‍ഷത്തില്‍ മൂന്ന് എസ് എഫ് ഐ പ്രവര്‍ത്തകര്‍ക്ക് കുത്തേറ്റു. എസ് എഫ് ഐ ജില്ലാക്കമ്മറ്റി അംഗം എം ആര്‍ ബേസില്‍, അക്ബര്‍ അലി, സെബിന്‍ എന്നിവര്‍ക്കാണ്‌ കുത്തേറ്റത്. ഇവരെ സുല്‍ത്താന്‍ ബത്തേരി താലൂക്ക്‌ ആശുപത്രിയില്‍ പ്രവേശിപ്പിച്ചു.
ബുധനാഴ്ച രാത്രിയില്‍ ബത്തേരി സെന്റ്‌ മേരീസ്‌ കോളജ്‌ പരിസരത്താണ്‌ സംഭവം. ഒന്നാം വര്‍ഷ വിദ്യാര്‍ഥികളെ വരവേല്‍ക്കുന്നതുമായി ബന്ധപ്പെട്ട്‌ കോളജിന്റെ സമീപത്തെ വെയിറ്റിംഗ്‌ ഷെഡില്‍ ചുമരെഴുത്ത്‌ നടത്തുന്നതിനെ എംഎസ്‌എഫ്‌ പ്രവര്‍ത്തകര്‍ ചോദ്യം ചെയ്തതിനേത്തുടര്‍ന്ന്‌ സംഘട്ടനം ഉണ്ടാവുകയായിരുന്നു.
സംഭവത്തില്‍ പ്രതിഷേധിച്ച് എസ് എഫ് ഐ ബുധനാഴ്ച ജില്ലയില്‍ പ്രതിക്ഷേധ ദിനം ആചരിക്കുകയാണ്‌. എം ആര്‍ ബേസില്‍ ബത്തേരി ഡോണ്‍ബോസ്കോ കോളജ്‌ വിദ്യാര്‍ഥിയാണ്‌.
