പൊന്നമ്പലമേട് സംഭവം അന്വേഷിക്കും - സുധാകരന്‍

KBJ

പൊന്നമ്പലമേട്ടില്‍ വിദേശികളടക്കമുള്ള സംഘം പൂജ നടത്തിയ സംഭവത്തെക്കുറിച്ച് അന്വേഷിക്കുമെന്ന് ദേവസ്വം മന്ത്രി ജി.സുധാകരന്‍ പറഞ്ഞു.

തിരുവിതാംകൂര്‍ ദേവസ്വം ബോര്‍ഡോ മറ്റാരെങ്കിലുമോ ഈ വിഷയത്തെക്കുറിച്ച് സര്‍ക്കാരിനോ ദേവസ്വം വകുപ്പിനോ പരാതി നല്‍കിയിട്ടില്ലെന്നും മന്ത്രി പറഞ്ഞു. കേന്ദ്ര വനം, പരിസ്ഥിതി മന്ത്രാലയത്തിന്‍റെ അനുവാദത്തോടെയാണ് സംഘം പൊന്നമ്പലമേട്ടില്‍ എത്തിയെന്നാണ് വാര്‍ത്ത. അവരെ ഇവിടത്തെ ഉദ്യോഗസ്ഥന്മാരും സഹായിച്ചു.

സാധാരണ രീതിയില്‍ ആരും കടന്ന് ചെല്ലുന്ന ഒരു സ്ഥലമല്ല പൊന്നമ്പലമേട്. ആ ഭാഗം മുഴുവനും ദേവസ്വം ബോര്‍ഡിന്‍റെ നിയന്ത്രണത്തിലാണ്. എന്നാല്‍ ഇതുസംബന്ധിച്ച് ദേവസ്വം ബോര്‍ഡ് തന്നെ ഔദ്യോഗികമായി ഒന്നും അറിയിച്ചിട്ടില്ല. സംഭവത്തെക്കുറിച്ച് അന്വേഷിക്കുന്നതിന് സര്‍ക്കാരിന് ഒരു പ്രയാസവുമില്ലെന്നും മന്ത്രി സുധാകരന്‍ പറഞ്ഞു.

ഈ മാസം പതിനഞ്ചിനാണ് വിദേശികളടങ്ങുന്ന 55 അംഗ സംഘം പൊന്നമ്പലമേട് സന്ദര്‍ശിച്ചത്. ദേവസ്വം, വൈദ്യുതി ബോര്‍ഡ് ഉദ്യോഗസ്ഥരുടെ എതിര്‍പ്പ് അവഗണിച്ചാണ് സംഘം പൊന്നമ്പലമേട്ടിലെത്തിയത്. ഇവരിവിടെ ഗണപതിയുടെ പഞ്ചലോഹ വിഗ്രഹം വച്ച് പൂജകള്‍ നടത്തി.

തിരുവനന്തപുരം | M. RAJU| Last Modified തിങ്കള്‍, 18 ഫെബ്രുവരി 2008 (14:53 IST)

ശബരിമലയില്‍ മകരജ്യോതി തെളിയുന്ന പൊന്നമ്പലമേട്ടില്‍ അത്യപൂര്‍വ്വമായി മാത്രമേ മനുഷ്യര്‍ പ്രവേശിക്കൂ. ഇവിടം സംരക്ഷിതമേഖലയാണ്.

ഇതിനെക്കുറിച്ച് കൂടുതല്‍ വായിക്കുക :

പൊന്നമ്പലമേട് അന്വേഷണം ജി.സുധാകരന്‍ മന്ത്രി