AISWARYA|
Last Updated:
ചൊവ്വ, 31 ഒക്‌ടോബര്‍ 2017 (14:58 IST)
മലയാളത്തിലെ ഏറെ ശ്രദ്ധനേടിയ നടിയാണ്
റേബ മോണിക്ക. ജേക്കബിന്റെ സ്വര്‍ഗരാജ്യമെന്ന ചിത്രത്തിലൂടെ ആരാധകരുടെ മനസില്‍ ഇടം പിടിച്ച താരമാണ് റേബ. ഇപ്പോള്‍ സോഷ്യല്‍ മീഡിയ ചര്‍ച്ച ചെയുന്നത് നടി റേബ മോണിക്ക ജോണിനെ ഫോണില്‍ ശല്യപ്പെടുത്തിയ ആരാധകനെ ബംഗളൂര്‍ പൊലീസ് അറസ്റ്റ് ചെയ്തതാണ്. സ്വകാര്യ സ്ഥാപനത്തിലെ ജീവനക്കാരനായ ഫ്രാങ്കന്‍ വിസിലിനെയാണ് പൊലീസ് പിടികൂടിയത്.
യുവാവിനെതിരെ ഐപിസി സെക്ഷന്‍ 354ഡി പ്രകാരം കേസ് ചാര്‍ജ് ചെയ്യുകയും കോടതിയില്‍ ഹാജരാക്കുകയും ചെയ്തു. ഇയാളെ പിന്നീട് ജാമ്യത്തില്‍ വിട്ടയച്ചു. ബംഗളൂരുവില്‍ സ്ഥിരതാമസമാക്കിയ റേബ, മഡിവാളയിലെ ഹൊസൂര്‍ മെയിന്‍ റോഡിലുള്ള സെന്റ് ആന്റണീസ് പള്ളിയില്‍ പോകുമ്പോള്‍ ഇയാള്‍ സ്ഥിരമായി പിന്തുടരാറുണ്ടെന്നും പരാതിയില്‍ പറയുന്നു. പിന്നീട് റീബയുടെ മൊബൈല്‍ നമ്പര്‍ സംഘടിപ്പിച്ച ഇയാള്‍ പതിവായി മെസേജുകള്‍ അയക്കാന്‍ തുടങ്ങി. ഇത് പിന്നീട് അശ്ലീല സന്ദേശങ്ങളിലേക്കും വഴിമാറി. ഇതോടെയാണ് പൊലീസില്‍ പരാതിപ്പെടാന്‍ താരം തീരുമാനിച്ചതെന്നാണ് വിവരം
