നടിയെ ആക്രമിച്ച കേസിൽ നടൻ ദിലീപിനു ഇന്നലെയാണ് ഹൈക്കോടതി ജാമ്യം നൽകിയത്. ദിലീപിനു ജാമ്യം ലഭിച്ചപ്പോൾ ഫാൻസുകാരുടെ ആവേശം കൂടിപ്പോയിരുന്നു. നിരവധി ഭീഷണി പോസ്റ്റുകളാണ് ഫേസ്ബുക്കുകളിൽ പ്രത്യക്ഷപ്പെടുന്നത്.

അത്തരത്തില്‍ ഒരു ഭീഷണി കുറപ്പിനോട് പ്രതികരിക്കുകയാണ് നടിയും സംവിധായികയുമായ സജിതാ മഠത്തില്‍. ലോസര്‍സ് മീഡിയ എന്ന അക്കൗണ്ടില്‍ നിന്നും സിനിമയിൽ നടിക്കൊപ്പം നിൽക്കുന്നവരെ ഉദ്ദേശിച്ച് ഇട്ട പോസ്റ്റ് ഇതിനോടകം വൈറലായിരുന്നു.

‘ഏട്ടനെതിരെ സംസാരിച്ച ഫെമിനിച്ചികള്‍ ഓര്‍ത്താല്‍ നല്ലത്. യഥാര്‍ത്ഥ ക്വട്ടേഷന്‍ ഇനി കേരളം കാണാന്‍ കിടക്കുന്നതേയുള്ളൂ. ദിലിപേട്ടന്‍ ഒന്ന് മനസ് വെച്ചാല്‍ മതി മക്കളേ. പിന്നെ നീയൊക്കെ ഇവിടുത്തെ ആണ്‍ പിള്ളേരുടെ ഫോണിലെ തുണ്ടു പടങ്ങള്‍ ആകും.’ ദിലീപേട്ടന്‍ റിട്ടേണ്‍സ് എന്ന ഹാഷ് ടാഗ് സഹിതമാണ് ലോസര്‍സ് മീഡിയ പോസ്റ്റ് ചെയ്തിരിക്കുന്നത്.

ഇതിനു മറുപടിയുമായിട്ടാണ് സജിത മഠത്തിൽ രംഗത്തെത്തിയിരിക്കുന്നത്. ‘സ്ത്രീ വിരുദ്ധതയുടെ ആരവങ്ങള്‍ ഇതുപോലെ ഉള്ള പോസ്റ്റുകള്‍ ആയി മാറുമ്പോള്‍ ഇവിടെ സ്ത്രീയായി ജീവിക്കുക അത്ര എളുപ്പമല്ല! കഷ്ടം!’ എന്നാണ് സജിത വ്യക്തമാക്കിയിരിക്കുന്നത്.