ജനപ്രിയ നടന്‍ ദിലീപിന്റെ പുതിയ ചിത്രം രാമലീല മികച്ച പ്രതികരണവുമായി മുന്നേറുകയാണ്. സിനിമാ മേഖലയിലെ നിരവധി ആളുകള്‍ ചിത്രത്തെ പ്രശംസിച്ച് ഇതിനോടകം രംഗത്തെത്തി കഴിഞ്ഞു. നവാഗതനായ അരുണ്‍ ഗോപി സംവിധാനം ചെയ്ത രാമലീലയ്ക്ക് മികച്ച പ്രതികരണമാണ് ലഭിക്കുന്നത്.

അതേസമയം, രാമലീലയെ തകര്‍ക്കാനും ചിലര്‍ കച്ചകെട്ടി ഇറങ്ങിയിരിക്കുകയാണ്. അതില്‍ പ്രധാനിയാണ് രശ്മി നായര്‍. തുടക്കം മുതല്‍ ദിലീപിനേയും രാമലീല കാണാന്‍ പോകുന്നവരേയും വിമര്‍ശിക്കാന്‍ രശ്മി മടിച്ചില്ല. ‘ദിലീപേട്ടാന്‍ പാവാടാ’ എന്ന് പറഞ്ഞ് പോകുന്നവരോറ്റ് പുച്ഛം മാത്രമാണെന്നും രശ്മി പറയുന്നുണ്ട്.

എങ്ങും പോസിറ്റീവ് അഭിപ്രായങ്ങള്‍ മാത്രമാണുള്ളത്. ആദ്യ ദിനങ്ങളിൽ തന്നെ പ്രേക്ഷകപ്രീതി നേടിയ ചിത്രത്തെ താറടിക്കാനുള്ള ശ്രമങ്ങളും ചില ഭാഗങ്ങളിൽ നിന്നുണ്ടെന്നുള്ളത് വാസ്തവം. സമൂഹമാധ്യങ്ങളിലെ സിനിമാ സ്നേഹികളുടെ കൂട്ടായ്മകളിലൊക്കെ ചിത്രത്തെക്കുറിച്ച് മികച്ച അഭിപ്രായങ്ങൾ മാത്രമാണ് വരുന്നത്. ദിലീപിന്റെ വ്യക്തിജീവിതത്തിലെ പ്രശ്നങ്ങൾ സിനിമയെ ദോഷകരമായി ബാധിക്കുമെന്ന് കരുതിയിരുന്നവർക്കുള്ള തിരിച്ചടിയായി രാമലീലയുടെ വിജയമെന്നതും ശ്രദ്ദേയം.