തിരുവനന്തപുരം|
WEBDUNIA|
Last Modified വ്യാഴം, 8 ജനുവരി 2009 (12:11 IST)
വരുന്ന ലോക്സഭാ തെരഞ്ഞെടുപ്പില്‍ കെ പി സി സി അധ്യക്ഷന്‍ രമേശ് ചെന്നിത്തല പത്തനംതിട്ട മണ്ഡലത്തില്‍ നിന്ന് ജനവിധി തേടിയേക്കും. ഇതു സംബധിച്ച് കോണ്‍ഗ്രസില്‍ ഏകദേശ ധാരണയായതായാണ് സൂചന. കോണ്‍ഗ്രസിലെ വമ്പന്‍‌മാരെല്ലാം ഇത്തവണയും മത്സരരംഗത്തുണ്ടാകും.
രാജ്യസഭാ കാലാവധി അവസാനിക്കുന്ന വയലാര്‍ രവി ആലപ്പുഴയില്‍ മത്സരിക്കുമെന്നറിയുന്നു. വി എം സുധീരന്‍റെ പേരും ആലപ്പുഴയിലേക്ക് പരിഗണിക്കുന്നുണ്ട്. എന്തായാലും ഇത്തവണ സുധീരന്‍ മത്സരിക്കുമെന്ന് ഉറപ്പായിട്ടുണ്ട്.
പി സി ചാക്കോ, പി ടി തോമസ് എന്നിവരുടെ പേരുകള്‍ ഇടുക്കി മണ്ഡലത്തിലേക്ക് പറഞ്ഞു കേള്‍ക്കുന്നുണ്ട്. എന്‍ എസ് യു ദേശീയ പ്രസിഡന്‍റ് ഹൈബി ഈഡന്‍ എറണാകുളത്ത് മത്സരിക്കും. ഈ സീറ്റില്‍ ചലച്ചിത്രനടന്‍ മമ്മൂട്ടിയെ എല്‍ ഡി എഫ് സ്ഥാനാര്‍ത്ഥിയാക്കാന്‍ ഇടതുപക്ഷവും നീക്കം നടത്തുന്നുണ്ട്.
കോട്ടയം സീറ്റ് കേരള കോണ്‍ഗ്രസിന് നല്‍കും. കൊല്ലത്ത് ആര്‍ ബാലകൃഷ്ണപിള്ള യു ഡി എഫ് സ്ഥാനാര്‍ത്ഥിയാകാനും സാധ്യതയേറി.
