നെടുമ്പാശേരി|
WEBDUNIA|
Last Modified ഞായര്‍, 26 ഓഗസ്റ്റ് 2007 (12:31 IST)
ഓണത്തിരക്ക്‌ പ്രമാണിച്ച്‌ ഗള്ഫ് രാജ്യങ്ങളിലേക്ക്‌ കൊച്ചിയിലെ നെടുമ്പാശേരി വിമാനത്താവളത്തില്‍ നിന്നും അഡീഷണല്‍ ഫ്ലൈറ്റുകള്‍ നടത്തുന്നതാണെന്ന്‌ റിപ്പോര്‍ട്ട്‌. നാല്‌ അഡീഷണല്‍ ഫ്ലൈറ്റുകളാണ്‌ ഇത്തരത്തില്‍ ഉണ്ടാവുക.
അഡീഷണല്‍ ഫ്ലൈറ്റ്‌ സര്‍വീസ്‌ ഓഗസ്റ്റ് 27-ന്‌ രാവിലെ ഏഴിന്‌ കൊച്ചിയില്‍നിന്നും ആരംഭിക്കും. തിരുവനന്തപുരം വഴി ദുബായിലേക്ക്‌ പോകുന്ന ഈ വിമാനം വൈകുന്നേരം 4.55 -ന്‌ തിരിച്ചെത്തും. രണ്ടാമത്തെ ഫ്ലൈറ്റ്‌ 29-ന്‌ രാവിലെ ഏഴിന്‌ കൊച്ചിയില്‍നിന്നും നേരിട്ട്‌ ദുബായിയിലേക്ക്‌ പോകും. അവിടെനിന്നും ഹൈദരാബാദ്‌ വഴി വൈകുന്നേരം 5.05-ന്‌ തിരിച്ചെത്തും.
അതെ സമയം മൂന്നാമത്തെ വിമാനം 30-ന്‌ രാവിലെ പത്തിന്‌ കൊച്ചിയില്‍നിന്നും കോഴിക്കോട്‌ വഴി ദോഹയ്ക്ക്‌ പോകും. അവിടെനിന്നും രാത്രി പത്തിന്‌ തിരിച്ചെത്തും.
നാലാമത്തെ വിമാന സര്‍വീസാവട്ടെ സെപ്റ്റംബര് രണ്ടിന്‌ രാവിലെ ഏഴിന്‌ കൊച്ചിയില്‍നിന്നും നേരിട്ട്‌ ദുബായിയിലേക്ക്‌ പോകും. അവിടെനിന്നും ഹൈദരാബാദ്‌ വഴി വൈകുന്നേരം 5.05-ന്‌ തിരിച്ചെത്തും.
