തിരുവനന്തപുരം|
Last Modified ചൊവ്വ, 6 സെപ്‌റ്റംബര്‍ 2016 (20:08 IST)
ജെ സി ഡാനിയേല്‍ പുരസ്കാരം കെ ജി ജോര്‍ജ്ജിന്. മലയാള സിനിമയ്ക്ക് നല്‍കിയ സമഗ്ര സംഭാവനയ്ക്കാണ് അവാര്‍ഡ്. ഒരു ലക്ഷം രൂപയാണ് അവാര്‍ഡ് തുക.
അടുത്തമാസം 15ന് സംസ്ഥാന ചലച്ചിത്ര അവാര്‍ഡ് നിശയില്‍ മുഖ്യമന്ത്രി പിണറായി വിജയന്‍ പുരസ്കാരം സമ്മാനിക്കും. ഐ വി ശശി ചെയര്‍മാനായ സമിതിയാണ് ജെ സി ഡാനിയേല്‍ പുരസ്കാരത്തിന് കെ ജി ജോര്‍ജ്ജിനെ തെരഞ്ഞെടുത്തത്.
സിബി മലയില്‍, ജി പി വിജയകുമാര്‍, കമല്‍, റാണി ജോര്‍ജ്ജ് എന്നിവരാണ് പുരസ്കാര നിര്‍ണയ സമിതിയിലെ അംഗങ്ങള്‍.
ദേശീയ - സംസ്ഥാന അവാര്‍ഡുകള്‍ നേടിയിട്ടുള്ള കെ ജി ജോര്‍ജ്ജ് മലയാള സിനിമയിലെ എക്കാലത്തെയും മികച്ച സംവിധായകരില്‍ ഒരാളായാണ് വിലയിരുത്തപ്പെടുന്നത്. അദ്ദേഹത്തിന്‍റെ ഇരകള്‍, പഞ്ചവടിപ്പാലം, യവനിക, ആദാമിന്‍റെ വാരിയെല്ല്, സ്വപ്നാടനം, മറ്റൊരാള്‍, ലേഖയുടെ മരണം ഒരു ഫ്ലാഷ് ബാക്ക് തുടങ്ങിയ സിനിമകള്‍ ഏറെ പ്രകീര്‍ത്തിക്കപ്പെട്ടവയാണ്.
