നിയമസഭാ തെരഞ്ഞെടുപ്പിന്റെ നാമനിര്ദേശപത്രിക പിന്‍വലിക്കാനുള്ള സമയപരിധി അവസാനിച്ചപ്പോള്‍ 971 സ്ഥാനാര്‍ഥികളാണ് മത്സരരംഗത്തുള്ളത്. തിരുവനന്തപുരം ജില്ലയിലാണ് ഏറ്റവും കൂടുതല്‍ സ്ഥാനാര്‍ത്ഥികള്‍ ജനവിധി തേടുന്നത്- 109 പേര്‍. ഏറ്റവും കുറവ് സ്ഥാനാര്‍ത്ഥികളുള്ളത് വയനാട് ജില്ലയിലാണ്.
ഏറ്റവും കൂടുതല്‍ സ്ഥാനാര്‍ത്ഥികള്‍ മത്സരിക്കുന്ന മണ്ഡലം പൂഞ്ഞാറാണ്. മലമ്പുഴ, സുല്‍ത്താന്‍ബത്തേരി, ആലത്തൂര്‍, എന്നിവിടങ്ങളിലാണ് ഏറ്റവും കുറവ് സ്ഥാനാര്‍ത്ഥികള്‍ മത്സരരംഗത്തുള്ളത്. നാലുപേര്‍ വീതമാണ് ഇവിടെ മത്സരിക്കുന്നത്.
