സാംസങിനെതിരെ ആപ്പിള് കമ്പനി നല്കിയ പേറ്റന്റ് കേസില് വിധി ആപ്പിളിന് അനുകൂലം. സാംസങ് നഷ്ടപരിഹാരമായി 105 കോടി ഡോളര് ആപ്പിളിന് നല്കണമെന്നാണ് വിധി. കാലിഫോര്ണിയ കോടതിയാണ് വിധി പുറപ്പെടുവിച്ചിരിക്കുന്നത്.
ആപ്പിള് ഐഫോണിന്റെയും ഐപാഡിന്റെയും സാങ്കേതിക വിദ്യയും ഡിസൈനും സാംസങ് അനുകരിച്ചു എന്ന കേസിലാണ് ഇത്രയും ഭീമന് തുക നഷ്ടപരിഹാരമായി നല്കാന് വിധിയായിരിക്കുന്നത്. ഈ വിധിയെ തുടര്ന്ന് സാംസങ് ഉത്പന്നങ്ങള് അമേരിക്കന് വിപണിയില് വിലക്കുഭീഷണിയും നേരിടുന്നുണ്ട്.