വൈകല്യങ്ങള്‍ മാറ്റുന്ന മഹാരാജ്!
|
ബാബയുടെ താമസ സ്ഥലം ബുണ്ഡേല്‍ഖണ്ഡ് ജില്ലയിലെ പണ്ഡോഖര്‍ എന്ന ചെറു ഗ്രാമത്തിലാണ്. വിവിധ സ്ഥലങ്ങളില്‍ സന്ദര്‍ശനം നടത്തി പ്രശസ്തനായിരിക്കുകയാണ് ഇയാള്‍. ബാബ തന്‍റെ സേവനം ആവശ്യപ്പെട്ട് എത്തുന്ന ആളുകളെ അടുത്തേക്ക് വിളിക്കുന്നു. പിന്നീട്, മുന്നില്‍ ഇരിക്കുന്ന ആളോട് ബലഹീനതയെ കുറിച്ച് ഒന്നും ചോദിക്കാതെ തന്നെ അയാളുടെ വിവരങ്ങള്‍ എല്ലാം ഒരു തുണ്ട് കടലാസ്സില്‍ എഴുതുന്നു!
ഗുരുശരണ്‍ മഹാരാജ് താന്‍ കടലാസ്സില്‍ എഴുതിയ കാര്യങ്ങള്‍ ചികിത്സ തേടി എത്തിയ വ്യക്തിയെ കാണിച്ച ശേഷം അയാളുടെ ബലഹീനതയെ കുറിച്ചുള്ള വിവരങ്ങളെല്ലാം തനിക്ക് അറിയാമെന്ന് ധരിപ്പിക്കുന്നു. ഇതിനുശേഷം, ബലഹീനരായ രോഗികളെ തന്‍റെ ഗംഭീര സ്വരത്തിലും വാക്‍ചാതുര്യത്തിലും ആകൃഷ്ടരാക്കി നടക്കാന്‍ ഉത്സാഹിപ്പിക്കുന്നു. ഈ ഉത്തേജനത്തില്‍ മയങ്ങി ചിലര്‍ എഴുന്നേറ്റ് നടക്കാന്‍ ശ്രമിക്കുന്നതും വീഴുന്നതും ഞങ്ങള്‍ കണ്ടു. ബാബ പറയുന്നത് ഇവരുടെ ബലഹീനത ഹനുമാന്‍ സ്വാമി ഭേദപ്പെടുത്തുമെന്നാണ്.
ഈ സമയത്ത്, പൂമാലയുമായി ഒരാള്‍ അവിടേക്ക് വന്നു. ഇയാള്‍ മാല ബാബയെ അണിയിച്ചു. നടക്കാന്‍ കഴിയില്ലായിരുന്നു എന്നും ബാബയുടെ അനുഗ്രഹത്തിന്‍റെ ഫലമായാണ് ഇപ്പോള്‍ നടക്കാനാവുന്നത് എന്നും ഇയാള്‍ അവകാശപ്പെട്ടു. ബാബ രക്ഷകള്‍ ശരീരത്തില്‍ ബന്ധിക്കുകയും കുറഞ്ഞത് അഞ്ച് അമാവാസി ദിനത്തിലെങ്കിലും അദ്ദേഹത്തെ സന്ദര്‍ശിക്കണം എന്ന് ഉപദേശിക്കുകയും ചെയ്തു എന്ന് ഇയാള്‍ പറയുന്നു.
|
ഫോട്ടോഗാലറി കാണാന്‍ ക്ലിക്ക് ചെയ്യുക
ശാരീരിക ബലഹീനത മറികടക്കാന്‍
