പതിമൂന്നാമത് ഐപിഎൽ മത്സരങ്ങൾ പുരോഗമിക്കുമ്പോൾ സൺറൈസേഴ്‌സ് ഹൈദരാബാദിന് കനത്ത തിരിച്ചടി. ചെന്നൈ സൂപ്പർ കിങ്സിനെതിരായ മത്സരത്തിനിടെ പരിക്കേറ്റ ബൗളര്‍ ഭുവനേശ്വര്‍ കുമാറിന് ഐ.പി.എല്‍ 13-ാം സീസണ്‍ നഷ്ടമാകും. ഇടുപ്പിനേറ്റ പരിക്കാണ് താരത്തിന് വില്ലനായത്.

നിലവിൽ ഐപിഎല്ലിൽ അഞ്ച് മത്സരങ്ങളിൽ മൂന്നിലും തോറ്റ ഹൈദരാബാദിന് ഭുവിയുടെ പരിക്ക് വലിയ തിരിച്ചടിയാകും.ചെന്നൈക്കെതിരായ മത്സരത്തിന്റെ 19-ാം ഓവറിലാണ് താരത്തിന് പരിക്കേല്‍ക്കുന്നത്. ഇതോടെ ഓവര്‍ പൂര്‍ത്തിയാക്കാതെ താരം കളംവിടുകയായിരുന്നു.