രേണുക വേണു|
Last Modified തിങ്കള്‍, 22 ജൂലൈ 2024 (17:50 IST)
വെടിക്കെട്ട് ബാറ്റര്‍മാരായ രോഹിത് ശര്‍മയും സൂര്യകുമാര്‍ യാദവും മുംബൈ ഇന്ത്യന്‍സ് വിടുമെന്ന് റിപ്പോര്‍ട്ട്. 2025 ലെ മെഗാ താരലേലത്തിനു മുന്നോടിയായി ഇരുവരും ഫ്രാഞ്ചൈസി വിടുമെന്നാണ് ദൈനിക് ജാഗരണ്‍ റിപ്പോര്‍ട്ട് ചെയ്യുന്നത്. ഇരുവരെയും പിടിച്ചുനിര്‍ത്താന്‍ മുംബൈ ഇന്ത്യന്‍സ് മാനേജ്‌മെന്റ് ശ്രമങ്ങള്‍ നടത്തിയെങ്കിലും ഫലം കണ്ടില്ല.
നായകസ്ഥാനത്തു നിന്ന് മാറ്റിയതിനു പിന്നാലെ രോഹിത്തിനു കടുത്ത അതൃപ്തി ഉണ്ടായിരുന്നെന്നും ഫ്രാഞ്ചൈസി മാറാന്‍ താരം ആഗ്രഹിച്ചിരുന്നെന്നും നേരത്തെ ചില റിപ്പോര്‍ട്ടുകള്‍ പുറത്തുവന്നിരുന്നു. ഇതിനെ സാധൂകരിക്കുന്നതാണ് ദൈനിക് ജാഗരണ്‍ റിപ്പോര്‍ട്ട്. കൊല്‍ക്കത്ത നൈറ്റ് റൈഡേഴ്‌സാണ് രോഹിത്തിനെ റാഞ്ചാന്‍ വലവിരിച്ചിരിക്കുന്നത്.
അതേസമയം സൂര്യകുമാര്‍ യാദവ് ഓപ്പണ്‍ താരലേലത്തില്‍ വരാനാണ് സാധ്യത. അങ്ങനെ വന്നാല്‍ വന്‍ തുക മുടക്കി സൂര്യയെ സ്വന്തമാക്കാന്‍ വിവിധ ഫ്രാഞ്ചൈസികള്‍ ശ്രമിക്കും. നായകസ്ഥാനം ഓഫര്‍ ചെയ്യുന്ന ടീമില്‍ കളിക്കാന്‍ സൂര്യ താല്‍പര്യപ്പെടുന്നതായും റിപ്പോര്‍ട്ടുകളുണ്ട്.
