ഡേവിഡ് മില്ലറിന്റെ വെടിക്കെട്ട് ഇന്നിങ്‌സിന്റെ കരുത്തിലാണ് രാജസ്ഥാന്‍ റോയല്‍സിനെതിരായ ഒന്നാം ക്വാളിഫയര്‍ മത്സരത്തില്‍ ഗുജറാത്ത് ടൈറ്റന്‍സ് ഏഴ് വിക്കറ്റിന് ജയിച്ചത്. അവസാന ഓവറിലെ ആദ്യ മൂന്ന് പന്തുകളില്‍ തുടര്‍ച്ചയായി സിക്‌സുകള്‍ പറത്തിയത് ഉള്‍പ്പെടെ 38 പന്തില്‍ 68 റണ്‍സ് മില്ലര്‍ പുറത്താകാതെ നിന്നു.

കഴിഞ്ഞ സീസണ്‍ വരെ രാജസ്ഥാന്‍ റോയല്‍സ് താരമായിരുന്നു മില്ലര്‍. ഇത്തവണ മെഗാ താരലേലത്തില്‍ മില്ലറെ നിലനിര്‍ത്താന്‍ രാജസ്ഥാന് കഴിഞ്ഞില്ല. ഒടുവില്‍ അതേ മില്ലര്‍ തന്നെ രാജസ്ഥാനെ പഞ്ഞിക്കിടുന്ന കാഴ്ചയാണ് ഇന്നലെ കൊല്‍ക്കത്ത ഈഡന്‍ ഗാര്‍ഡന്‍സില്‍ കണ്ടത്.