അടുത്ത വര്‍ഷം ഐപിഎല്ലില്‍ ഇമ്പാക്ട് പ്ലെയറായി മടങ്ങിയെത്താന്‍ ക്രിസ് ഗെയ്ലിനോട് തമാശയായി ആവശ്യപ്പെട്ട് ആര്‍സിബി സൂപ്പര്‍ താരം വിരാട് കോലി. മെയ് 18ന് ചിന്നസ്വാമി സ്റ്റേഡിയത്തില്‍ നടന്ന ഐപിഎല്‍ മത്സരത്തില്‍ ചെന്നൈ സൂപ്പര്‍ കിംഗ്‌സിനെ പരാജയപ്പെടുത്തിയ ശേഷം മുന്‍ ടീമംഗങ്ങളെ കാണാനായി ക്രിസ് ഗെയ്ല്‍ ആര്‍സിബി ഡ്രെസിങ്ങ് റൂമില്‍ എത്തിയിരുന്നു.

ആര്‍സിബി ഡ്രെസിങ് റൂമില്‍ താരങ്ങലെ അഭിനന്ദിക്കാനായി എത്തിയപ്പോഴായിരുന്നു ഗെയ്ലിനോട് ടീമില്‍ തിരിച്ചെത്താന്‍ കോലി ആവശ്യപ്പെട്ടത്.അടുത്ത വര്‍ഷം തിരിച്ചു വരു. ഇപ്പോള്‍ ഇമ്പാക്ട് പ്ലെയര്‍ നിയമമുണ്ട്. നിങ്ങള്‍ക്ക് ഫീല്‍ഡ് ചെയ്യേണ്ട കാര്യമില്ല. നിങ്ങള്‍ക്ക് വേണ്ടി മാത്രം ഉണ്ടാക്കിയ നിയമമാണിത്. ആര്‍സിബി സോഷ്യല്‍ മീഡിയ ഹാന്‍ഡിലുകള്‍ പങ്കുവെച്ച വീഡിയോയില്‍ കോലി പറയുന്നു.