ഇന്ത്യയില്‍ വനിതാ ബില് പാസാക്കുന്നതിന്‍റെ കോലാഹലങ്ങള്‍ എങ്ങും അലയടിക്കുമ്പോള്‍ ഗള്‍ഫ് രാജ്യങ്ങള്‍ സ്ത്രീകള്‍ക്ക് എല്ലാ രംഗങ്ങളിലും വേണ്ടത്ര പങ്കാളിത്തം നല്‍കി മാതൃക കാട്ടുന്നു. യു എ ഇയുടെ വികസനത്തില്‍ സ്ത്രീകള്‍ വലിയ പങ്കാണ് വഹിക്കുന്നതെന്ന് യു എ ഇയിലെ വാണിജ്യമന്ത്രിയായ ഷെയ്ഖ ലുബ്ന അല്‍ ഖാസിമി പറയുന്നു.
യു എ ഇ കാബിനറ്റില്‍ 18 ശതമാനം പ്രാതിനിധ്യം സ്ത്രീകള്‍ക്കുണ്ട്. പാര്‍ലമെന്‍റിലെ ഫെഡറല്‍ നാഷണല്‍ കൌണ്‍സിലില്‍ 22.5 ശതമാനം പേര്‍ സ്ത്രീകളാണ്. കോര്‍പ്പറേഷനുകളില്‍ 10 ശതമാനവും സര്‍ക്കാരിന്‍റെ സുപ്രാധാന തീരുമാനങ്ങള്‍ കൈക്കൊള്ളുന്ന സമിതിയില്‍ 30 ശതമാനവും സ്ത്രീ പങ്കാളിത്തമുണ്ട് - ഷെയ്ഖ ലുബ്ന അറിയിച്ചു.
യു എ ഇയില്‍ പൊതുമേഖലയില്‍ 66 ശതമാനം ജോലിക്കാരും സ്ത്രീകളാണ്. വ്യാപാര രംഗത്തും സ്ത്രീകള്‍ കൂടുതലായി കടന്നുവരേണ്ടതുണ്ടെന്ന് ഷെയ്ഖ ലുബ്ന അല്‍ ഖാസിമി പറയുന്നു.
