പാകിസ്താനിലെ പെഷവാറില്‍ സ്ഫോടനം. നഗരത്തിലെ ബസ് സ്റ്റാന്‍ഡിലാണ് വ്യാഴാഴ്ച സ്ഫോടനം ഉണ്ടായത്. സ്‌ഫോടനത്തില്‍ 13 പേര്‍ മരിച്ചു. മരിച്ചവരില്‍ രണ്ട് കുട്ടികളുമുണ്ട്. 35 പേര്‍ക്ക് പരുക്കേറ്റു. ഏഴുപേരുടെ സ്ഥിതി ഗുരുതരമാണ്.
ബസ‌സ്റ്റാന്‍ഡില്‍ യാത്രക്കാരുടെ തിരക്കുള്ള സമയത്താണ് സ്‌ഫോടനമുണ്ടായത്. നിര്‍ത്തിയിട്ട കാര്‍ പൊട്ടിത്തെറിക്കുകയായിരുന്നു. ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല.
താലിബാന്‍ -അല്‍ഖ്വെയ്ദ തീവ്രവാദികളുടെ ശക്തികേന്ദ്രമാണ് അഫ്ഗാനിസ്ഥാന്‍ അതിര്‍ത്തിയിലെ ഈ ഗോത്രവര്‍ഗമേഖല. ഇതേ മേഖലയിലെ അപ്പര്‍ ഒറാക്‌സായിയില്‍ വ്യാഴാഴ്ച സൈന്യം വ്യോമാക്രമണത്തില്‍ 15 തീവ്രവാദികളെ വധിച്ചിരുന്നു.
