ഇന്ത്യക്കാരനെ മര്‍ദ്ദിക്കുന്നത് ജനക്കൂട്ടം നോക്കി നിന്നു!
ലണ്ടന്‍|
WEBDUNIA|
PRO
PRO
ഇന്ത്യക്കാരനായ ഫുട്ബോള് ആരാധകന് യുകെയില്‍ ക്രൂരമര്‍ദ്ദനം. ഏഴ് പേര്‍ അടങ്ങുന്ന സംഘമാണ് പ്രകാശ് പട്ടേല്‍ എന്ന ബാങ്ക് ഓഫിസറെ ആക്രമിച്ചത്. 200 ഓളം പേര്‍ കണ്ടുനില്‍ക്കേണ്ടായിരുന്നു സംഭവം. എന്നാല്‍ ആരും ഇത് തടയാന്‍ മുന്നോട്ടുവന്നില്ല എന്നാണ് വിവരം. വംശീയ വിരോധികളാണ് ആക്രമണം നടത്തിയത് എന്നാണ് വിവരം.
മാഞ്ചസ്റ്റര്‍ യുണൈറ്റഡിന്റെ കടുത്ത ആരാധകനായ പ്രകാശ് ഒരു ഫുട്ബോള് മത്സരം കണ്ട് വീട്ടിലേക്ക് മടങ്ങും വഴിയാണ് ആക്രമിക്കപ്പെട്ടത്. ഇയാളുടെ 21കാരിയായ മകളും ഒപ്പം ഉണ്ടായിരുന്നു. മകള്‍ അക്രമികളെ തടയാന്‍ ശ്രമിച്ചെങ്കിലും സാധിച്ചില്ല. പ്രകാശിന്റെ കണ്ണിനും മുഖത്തും ഗുരുതരമായി പരുക്കേറ്റു.
അക്രമികള്‍ പ്രകാശിനെയും മകളെയും വംശീയമായി അധിക്ഷേപിച്ചു. ഇത് എതിര്‍ത്തതോടെയായിരുന്നു ആക്രമണം. 200ഓളം ആളുകള്‍ ഇതിന് ദൃക്‌സാക്ഷികള്‍ ആയെങ്കിലും അവര്‍ ആരും തന്നെ ഇവരുടെ സഹായത്തിന് എത്തിയില്ലെന്ന് സിസിടിവി ദൃശ്യങ്ങളില്‍ നിന്ന് വ്യക്തമായി.
