ശ്രീലങ്കയില്‍ ഇന്ന് പാര്‍ലമെന്റ് തെരഞ്ഞെടുപ്പ്. തെരഞ്ഞെടുപ്പ് നിരീക്ഷിക്കുന്നതിനായി കോമണ്‍വെല്‍ത്ത് സംഘം ശ്രീലങ്കയില്‍ എത്തി. 225 അംഗ പാര്‍ലമെന്റിലേക്കാണ് ഇന്ന് തെരഞ്ഞെടുപ്പ് നടക്കുക.

നിലവിലെ പ്രധാനമന്ത്രി റെനല്‍ വിക്രമസിംഗെയുടെ യുണൈറ്റഡ് നാഷണല്‍ പാര്‍ട്ടിയും പ്രധാനമന്ത്രി പദത്തിലേക്ക് തിരിച്ചുവരവ് പ്രതീക്ഷിക്കുന്ന മഹീന്ദ രജപക്‌സെയുടെ ഫ്രീഡം പാര്‍ട്ടിയും തമ്മിലാണ് പ്രധാന മത്സരം.

തെരഞ്ഞെടുപ്പുഫലം ചൊവ്വാഴ്ചയോടെ അറിയാന്‍ കഴിയുമെന്നാണ് പ്രതീക്ഷിക്കുന്നത്. ജനുവരിയില്‍ നടന്ന തെരഞ്ഞെടുപ്പില്‍ മഹിന്ദ രജപക്‌സെ പ്രസിഡന്റ് സ്ഥാനത്തേക്ക് മത്സരിച്ച് പരാജയപ്പെട്ടിരുന്നു. 6100 സ്ഥാനാര്‍ത്ഥികളാണ് മത്സരരംഗത്ത് ഉള്ളത്. ഒന്നരക്കോടിയോളം വോട്ടര്‍മാര്‍ ആണ് വിധി നിര്‍ണയിക്കുന്നത്.