അനുബന്ധ വാര്ത്തകള്
- കൂടുതൽ രാജ്യങ്ങൾ ഉപരോധമേർപ്പെടുത്തിയേക്കും, റഷ്യക്കെതിരായ നടപടി നാളെയെന്ന് യുഎസ്
- റഷ്യ ഏത് സമയവും യുക്രെയ്ൻ ആക്രമിക്കും: വീണ്ടും ആവർത്തിച്ച് ജോ ബൈഡൻ
- യുദ്ധഭീതിയിൽ യൂറോപ്പ്: യുക്രയിനിൽ റഷ്യ ബോംബിട്ടേക്കുമെന്ന് യുഎസ്
- സോഷ്യൽ മീഡിയാ അൽഗൊരിതം സമൂഹത്തിൽ വിഷം വിതയ്ക്കുന്നു, പൂട്ടിടാൻ പുതിയ ബിൽ യുഎസ് കോൺഗ്രസിൽ
- യുക്രൈനിൽ തുടരുന്ന യുഎസ് പൗരന്മാർ നാട്ടിലെത്തണം, രക്ഷിക്കാൻ സൈന്യത്തെ അയക്കില്ല: ജോ ബൈഡൻ
ആക്രമണത്തിനിടെ ഇമ്രാൻ ഖാന്റെ മോസ്കോ സന്ദർശം, വിമർശനവുമായി യുഎസ്
യുക്രെയ്നിൽ റഷ്യ ആക്രണം നടത്തുന്നതിനിടെ മോസ്കോ സന്ദർശിച്ച പാകിസ്ഥാൻ പ്രധാനമന്ത്രി ഇമ്രാൻ ഖാനെതിരെ വിമർശനവുമായി യുഎസ്. യുക്രെയ്നിൽ റഷ്യ നടത്തുന്ന നടപടികൾക്കെതിരെ ശബ്ദമുയർത്താൻ എല്ലാ ഉത്തരവാദിത്തപ്പെട്ട രാജ്യങ്ങൾക്കും ബാധ്യതയുണ്ടെന്ന് യുഎസ് സ്റ്റേറ്റ് ഡിപാർട്ട്മെന്റ് വക്താവ് നെഡ് പ്രൈസ് പറഞ്ഞു.
പാകിസ്ഥാനുമായി ആശയവിനിമയം നടത്തി. റഷ്യ അധിനിവേശം നടത്തുന്നതുമായി ബന്ധപ്പെട്ട് തങ്ങളുടെ നിലപാട് അറിയിച്ചു. യുക്രെയ്നൊപ്പം നിൽക്കേണ്ടത് യുഎസിനെ സംബന്ധിച്ചിടത്തോളം നിർണായകമാണെന്നും നെഡ് പ്രൈസ് പറഞ്ഞു.
പാശ്ചാത്യ രാജ്യങ്ങൾ റഷ്യയ്ക്കുമേൽ ഉപരോധം ഏർപ്പെടുത്തുന്നതിനിടെയാണ് ഇമ്രാൻ ഖാന്റെ സന്ദർശനം. റഷ്യ യുക്രെയ്നിൽ പ്രവേശിച്ചതിന് ശേഷം റഷ്യ സന്ദർശിക്കുന്ന ആദ്യ വിദേശ നേതാവാണ് ഇമ്രാൻ ഖാൻ. റഷ്യൻ നടപടികളോട് അനുകൂല നിലപാട് പുലർത്തുന്നതിന്റെ ഭാഗമായാണ് ഇമ്രാൻ ഖാൻ മോസ്കോയിലെത്തിയതെന്നാണ് വിലയിരുത്തൽ.
