അനുബന്ധ വാര്ത്തകള്
- പൈലറ്റ് മാനസിക രോഗി, അപ്രത്യക്ഷമായ മലേഷ്യൻ വിമാനം പൈലറ്റ് കടലിൽ ഇടിച്ചിറക്കിയതെന്ന് റിപ്പോർട്ട് !
- ടോയ്ലറ്റ് വാതിലെന്ന് കരുതി വിമാനത്തിന്റെ എമര്ജന്സി എക്സിറ്റ് വാതില് യാത്രക്കാരി തുറന്നു; പിന്നീട് സംഭവിച്ചത്!
- സ്ത്രീകളുടെ സീറ്റിൽ നിന്നും മാറാൻ പറഞ്ഞു; യാത്രക്കാരൻ സുഹൃത്തുക്കളെ വിളിച്ചു വരുത്തി കെഎസ്ആർടിസി കണ്ടക്ടറെ മർദ്ദിച്ചു
- ഹൈവേയിൽ കാർയാത്രികന്റെ മുന്നിലേക്ക് പറന്നിറങ്ങി വിമാനം, വീഡിയോ !
- വിമാന യാത്രക്കിടെ നോമ്പ് തുറക്കാൻ വെള്ളം ചോദിച്ചു; എയർ ഹോസ്റ്റസ് തിരികെ എത്തിയത് വിഭവങ്ങളുമായി, അനുഭവം പങ്കുവച്ച് എയർ ഇന്ത്യ യാത്രക്കാരൻ
പലഹാരപ്പൊതിയെന്നു പറഞ്ഞ് ബന്ധു കൊടുത്തത് കഞ്ചാവ്; ഖത്തറിലേക്കുള്ള പ്രവാസി യാത്രക്കാരന് രക്ഷപ്പെട്ടത് തലനാരിഴക്ക്
കുറഞ്ഞ അളവിൽ ചിപ്സ് കൊടുത്തയയ്ക്കുന്നതിൽ സംശയം തോന്നി പൊട്ടിച്ചുനോക്കിയപ്പോഴാണ് പൊതിക്കുള്ളിൽ കഞ്ചാവ് കണ്ടെത്തിയത്.
തെയ്യാല കല്ലത്താണി സ്വദേശി കക്കോടി ആബിദാണ് ചതിയിൽ നിന്ന് തലനാരിഴയ്ക്കു രക്ഷപ്പെട്ടത്. കഴിഞ്ഞ ദിവസം ഖത്തറിലേക്കു യാത്രപുറപ്പെടുന്നതിന് ഏതാനും മണിക്കൂർ മുൻപാണ് ഭാര്യയുടെ ബന്ധു ചിപ്സിന്റെ പൊതി ആബിദിനെ ഏൽപ്പിച്ചത്.
സുഹൃത്ത് ഖത്തറിലെ മുറിയിൽ എത്തി വാങ്ങുമെന്നും പറഞ്ഞിരുന്നു. കുറഞ്ഞ അളവിൽ ചിപ്സ് കൊടുത്തയയ്ക്കുന്നതിൽ സംശയം തോന്നി പൊട്ടിച്ചുനോക്കിയപ്പോഴാണ് പൊതിക്കുള്ളിൽ കഞ്ചാവ് കണ്ടെത്തിയത്. വീട്ടുകാർ അറിയിച്ചതിനെ തുടർന്ന് താനൂർ പൊലീസെത്തി കഞ്ചാവ് കസ്റ്റഡിയിലെടുത്തു.
പൊതി ഏൽപ്പിച്ചയാൾ തിരൂർ പൊലീസ് ലൈനിലെ പൊതുശ്മശാനത്തിന് അടുത്തുള്ള ആളാണെന്നു ബന്ധു പറഞ്ഞു. ഇയാളെ ഫോണിൽ ബന്ധപ്പെടാൻ ശ്രമിച്ചെങ്കിലും കിട്ടിയില്ല.
ഏതാനും മാസം മുൻപ് താനാളൂർ, വളാഞ്ചേരി ഭാഗങ്ങളിലെ യുവാക്കൾ മുഖേന വിദേശ രാജ്യങ്ങളിലേക്ക് ലഹരിവസ്തുക്കളും സ്വർണവും കടത്തുന്ന സംഘത്തിന്റെ വലയിൽപെട്ട് പിടിയിലായിരുന്നു. സംഭവത്തില് അന്വേഷണം ആരംഭിച്ചതായി താനൂർ പൊലീസ് പറഞ്ഞു.
