അനുബന്ധ വാര്ത്തകള്
- കൊവിഡ് 19: വിദേശരാജ്യങ്ങളിൽ നിന്നുള്ളവർക്ക് ഇന്ത്യ യാത്രാവിലക്കേർപ്പെടുത്തി
- കൊവിഡ്19: പത്തനംതിട്ടയിൽ സമ്പർക്ക പട്ടികയിൽ 900 പേർ, 40 ശതമാനം പേർ ഇപ്പോഴും സഹകരിക്കുന്നില്ലെന്ന് ഡിഎംഒ
- കൊവിഡ് 19: കോട്ടയത്ത് ചികിത്സയിലുള്ള രോഗിയുടെ നില ഗുരുതരമായി തുടരുന്നു
- കൊവിഡ് 19: 14 പേർക്ക് സ്ഥിരീകരിച്ചു, 1495 പേർ നിരീക്ഷണത്തിൽ, അതീവ ജാഗ്രതയിൽ സംസ്ഥാനം
- കൊറോണ പേടി: ഐപിഎല്ലിന് വേദിയാകാനില്ലെന്ന് കർണാടക,കേന്ദ്രത്തിന് കത്തയക്കും
കൊറോണ വൈറസ് ബാധയെ മഹാമാരിയായി ലോകാരോഗ്യ സംഘടന പ്രഖ്യാപിച്ചു
കൊവിഡ് 19 എന്ന കൊറോണ വൈറസ് ബാധയെ ആഗോളമഹാമാരിയായി ലോകാരോഗ്യസംഘടന പ്രഖ്യാപിച്ചു.ലോകത്തിന്റെ വിവിധ ഭാഗങ്ങളിൽ ആളുകളിൽ നിന്ന് ആളുകളിലേക്ക് പടരുന്ന നിലയിലായതിനെ തുടർന്നാണ് ലോകാരോഗ്യസംഘടനയുടെ പ്രഖ്യാപനം.നിലവിൽ നൂറിലധികം രാജ്യങ്ങളിലാണ് കൊറോണ പടർന്ന് പിടിച്ചിട്ടുള്ളത്.ഏറെ നാളുകളായുള്ള ചർച്ചകൾക്ക് ശേഷമാണ് കൊറോണയെ ലോകാരോഗ്യസംഘടന മഹാമാരിയായി പ്രഖ്യാപിച്ചത്.
വൈറസിനെതിരായ പ്രതിരോധപ്രവർത്തനം ഒരു പടികൂടി പ്രവർത്തനക്ഷമമാക്കണമെന്നും സമ്പൂർണ ജാഗ്രത ഈ വിഷയത്തിൽ പാലിക്കണമെന്നുമുള്ള നിർദേശത്തോടെയാണ് ഈ പ്രഖ്യാപനം. 2009ല് നിരവധിപ്പേരുടെ ജീവന് അപഹരിച്ച പന്നിപ്പനി(എച്ച്1 എന്1) ബാധയെയാണ് ഇതിനുമുൻപ് ലോകാരോഗ്യസംഘടന ഇത്തരത്തിൽ മഹാമാരിയായി പ്രഖ്യാപിച്ചത്. രോഗം ഒരാളിൽ നിന്ന് മറ്റൊരാളിലേക്ക് പടരാനുള്ള തോത് വളരെയധികാമാണ് എന്നതാണ് മഹാമാരി എന്ന പദം കൊണ്ട് സൂചിപ്പിക്കുന്നത്.
ലോകാരോഗ്യ സംഘടനാ മേധാവി ഡോ ടെഡ്രോസ് അദാനോം ഗെബ്രയേസസാണ് പ്രഖ്യാപനം നടത്തിയത്. ചൈനക്ക് പുറമെ കൊറോണ വ്യാപിച്ചിരിക്കുന്നത് പതിമൂന്ന് മടങ്ങ് അധികാമാണെന്നും ലോകാരോഗ്യ സംഘടന വ്യക്തമാക്കി.
