അനുബന്ധ വാര്ത്തകള്
- ഗരീബ് കല്യാൺ അന്ന യോജന പദ്ധതി ദീപാവലി വരെ നീട്ടി: പ്രധാനമന്ത്രി
- നിലവില് ടിക് ടോക്ക് ഫോണില് ഉള്ളവര്ക്ക് ഉപയോഗിക്കാം; ടിക് ടോക്കിന്റെ ഇന്ത്യയിലെ പ്രവര്ത്തനം അയര്ലാന്ഡ്, യുകെ സര്വറുകളിലേക്ക് മാറ്റി
- ഇന്ത്യയുടെ ആപ്പ് നിരോധനനീക്കത്തിൽ ആശങ്കയുണ്ടെന്ന് ചൈന
- ആപ്പുകള് നിരോധിച്ച ഇന്ത്യയുടെ നടപടി: കടുത്ത ആശങ്കയുണ്ടെന്ന് ചൈന, ആദ്യ പ്രതികരണത്തിന്റെ വിശദാംശങ്ങള് ഇങ്ങനെ
- ചൈന-ഹോങ്കോങ് ദേശീയ സുരക്ഷാ നിയമം പാസാക്കി
ഇന്ത്യന് ടെലിവിഷന് ചാനലുകളും വെബ്സൈറ്റുകളും ചൈന നിരോധിച്ചു
ഇന്ത്യന് ടെലിവിഷന് ചാനലുകളും വെബ്സൈറ്റുകളും ചൈന നിരോധിച്ചു. സുരക്ഷാ കാരണങ്ങള് കാണിച്ച് ഇന്ത്യ ചൈനീസ് ആപ്പുകള് നിരോധിച്ചതിന് പിന്നാലെയാണ് ചൈനയുടെ പ്രതികാരനടപടി. പ്രതിഷേധങ്ങളെ അമര്ച്ച ചെയ്യാന് ചൈനീസ് സര്ക്കാര് സര്വ്വസാധാരണമായി ഉപയോഗിക്കുന്ന മാര്ഗമാണിത്. ഹോങ്കോങ്ങിന്റെ വാര്ത്തകള് അന്താരാഷ്ട്ര മാധ്യമങ്ങളായ സിഎന്എന്നിലോ ബിബിസിയിലോ വന്നാല് ചാനല് കാണാതാകുകയും പിന്നീട് ഈ വാര്ത്ത മാറിക്കഴിഞ്ഞാല് മാത്രമേ വീണ്ടും കാണാന് സാധിക്കുന്ന രീതി ചൈനയില് സാധാരണമാണ്.
കഴിഞ്ഞ ദിവസമാണ് ടിക് ടോക്ക് അടക്കം 59 ചൈനീസ് മൊബൈല് ആപ്പുകളെ ഇന്ത്യ നിരോധിക്കുന്നത്. ഇതിനെതിരെ പ്രതിഷേധവുമായി ചൈന എത്തിയിട്ടുണ്ട്. അന്താരാഷ്ട്ര വ്യാപാര നിയമം ഇന്ത്യ ലംഘിച്ചുവെന്നാണ് ചൈനയുടെ വാദം. സാങ്കേതിക വിദ്യാ ചട്ടത്തിന്റെ 69 എ വകുപ്പ് പ്രകാരവും 2009 മുതല് നിലവിലുള്ള വിവരനിയന്ത്രണ നിയമം അനുസരിച്ചുമാണ് ആപ്പുകള് നിരോധിച്ചത്.
