വിമാനയാത്ര ചെയ്യുമ്പോള്‍ സ്ത്രീകള്‍ക്കും പുരുഷന്മാര്‍ക്കും പ്രത്യേക ഡ്രസ് കോഡ് നിര്‍ദ്ദേശിച്ച് സൌദി അറബ്യയുടെ എയര്‍ലൈനായ സൌദിയ. സ്ത്രീകള്‍ കയ്യും കാലും പ്രദര്‍ശിപ്പിക്കുന്നതോ, കട്ടി കുറഞ്ഞതോ, ഇറുകിയതോ ആയ വസ്ത്രങ്ങള്‍ ധരിക്കരുത്. അതേസമയം, പുരുഷന്മാര്‍ ഷോര്‍ട്‌സ് ധരിച്ച് യാത്രചെയ്യുന്നതിനും വിലക്കുണ്ട്.

സഹയാത്രികര്‍ക്ക് ബുദ്ധിമുട്ടും അസൌകര്യവുമുണ്ടാക്കുന്ന തരത്തിലുള്ള വസ്ത്രങ്ങള്‍ ധരിക്കില്ലെന്ന് ഉറപ്പുവരുത്താനാണിത്. ഈ ഡ്രസ് കോഡ് അംഗീകരിക്കാത്ത യാത്രക്കാര്‍ക്ക് യാത്ര നിരസിക്കുന്നതായിരികുമെന്നും സൌദിയുടെ ഇത് സംബന്ധിച്ച സര്‍ക്കുലറില്‍ പറയുന്നു.

എന്നാല്‍ സൌദിയിലെ സ്ത്രീകള്‍ക്ക് ബിക്കിനി ധരിച്ച് ബീച്ചിലിരിക്കാന്‍ കഴിയുന്ന ആഢംബര റിസോര്‍ട്ട് നിര്‍മ്മിക്കുമെന്ന് സൌദി കിരീടാവകാശി പ്രഖ്യാപിച്ചിരുന്നു. അതിനു ശേഷമാണ് ഇത്തരമൊരു നിര്‍ദ്ദേശമുണ്ടായിരിക്കുന്നത്.